A política municipal de calidade recoñécese pola súa capacidade de dar continuidade aos proxectos que funcionan e por saber interpretar as necesidades reais da veciñanza. En Ribadeo, o fútbol base e local atópanse nunha encrucillada onde se xoga algo máis que a calidade do céspede: xógase a eficiencia na xestión dos recursos públicos.
Nos últimos anos, as infraestruturas deportivas de Ribadeo foron medrando e mellorando de xeito gradual. Esa estratexia de avanzar por fases permitiu ir consolidando espazos e servizos de xeito ordenado, pero calquera planificación seria require dun colofón que lle dea sentido e utilidade ao conxunto. Tras as melloras previas, chegamos ao momento clave: agora xa toca, sen máis escusas nin demoras, a construción do campo de herba artificial. É o paso lóxico e necesario para evitar que o campo natural do Pepe Barrera, sometido a unha carga de uso insostible coa chegada dos torneos e a actividade intensiva das vindeiras semanas, acabe por converterse nun terreo inutilizable.
Porén, o goberno municipal do Partido Popular parece decidido a romper coa lóxica e a coherencia urbana. Despois de tres anos de parálise falando de diversas localizacións e propostas estrambóticas parece que xa está escollido o lugar definitivo: o campamento da Devesa. A súa pretensión de situar o novo campo de herba artificial neste lugar, a doce kilómetros do núcleo urbano, é un erro estratéxico que desde o BNG non podemos deixar pasar. Trátase dunha decisión que non soluciona o problema, senón que o traslada de lugar. Construír esta infraestrutura na Devesa supón unha deslocalización inxustificada que obriga a desprazamentos innecesarios a centos de usuarios, familias e deportistas do fútbol base que teñen o seu centro de actividade natural no núcleo da vila.
Non se pode gobernar a golpe de improvisación e pensando só en vender á xente “que se fan cousas” a través de anuncios rechamantes que non resisten unha análise técnica mínima. Un goberno responsable debe dar solucións coherentes, completas e sostibles no tempo, non buscar titulares rápidos que hipotecan a comodidade dos veciños e veciñas durante décadas.
A solución máis intelixente segue sendo a que propón o BNG: o anexo do Pepe Barrera. Esta ubicación é a mellor posible por unha cuestión de accesibilidade e, sobre todo, de planificación integrada. Situar o campo artificial no anexo permitiría completar a gran área deportiva municipal, aproveitando as sinerxías das instalacións xa existentes e ofrecendo unha solución estable para o Ribadeo e para toda a canteira. É o lugar onde debe estar porque é onde é máis útil e eficiente.
Non podemos esquecer que esta proposta conta cun respaldo institucional claro: foi unha proposta nosa aprobada polo Pleno municipal e formaba parte dos compromisos que o propio goberno do PP aceptou. Seguir acumulando promesas mentres se propoñen alternativas periféricas na Devesa que non convencen a ninguén é unha falta de respecto ao deporte local. Estamos a tempo de facer as cousas ben e de rematar a mellora das nosas instalacións con sentidiño. O goberno municipal debe abandonar a improvisación, cumprir coa veciñanza e pensar no futuro.
Martín Graña, portavoz municipal do BNG de Ribadeo.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
