Deputación e Concello impulsan unha nova edición da Feira de Artesanía e Antigüidades da Pontenova
– Lara Méndez e Francisco Martínez presentaron unha cita que chega á súa 6ª edición e que se celebrará na pontenovesa Praza dos Fornos os días 6,7, 8 e 9 de decembro
– 25 anticuarios procedentes de toda Galicia, Asturias, Castela e Cataluña; 40 postos de venda de pezas artesanais, 20 deles lucenses, e 5 artesáns facendo demostracións en vivo son algúns dos atractivos que ofrece a Feira
A Vicepresidenta Segunda da Deputación, Lara Méndez, e o concelleiro pontenovés Francisco Martínez presentaron esta mañá a VI Feira da Artesanía, Mobles e Antigüidades da Pontenova, que terá lugar entre os días 6 e 9 do vindeiro mes de decembro nesta localidade mariñana e que conta coa colaboración económica da institución provincial. Foi nun acto que tivo lugar no Salón de Actos do Pazo de San Marcos, durante o que ambos coincidiron en destacar a importancia de que iniciativas que se poñen en marcha nos Concellos da provincia, como é o caso desta Feira, teñan continuidade malia situación de crise actual.
Nesta liña, Méndez destacou que “é vital apoiar estes eventos, porque son de gran importancia para a economía dos Concellos que os acollen, e tamén para os limítrofes, porque toda a xente que acode a estas feiras fai un importante gasto no Concello, polo que supón un forte impulso para a economía da zona ó tempo que contribúen a poñer en valor factores de dinamización do rural, coma os oficios tradicionais, que permiten abrir vías de crecemento económico e fixación de poboación”.
Pola súa banda, Francisco Martínez quixo agradecer “o apoio económico da Deputación de Lugo, sen o que sería imposible organizar esta Feira” e destacou que “xa é unha feira consolidada e así o amosan esas 8.000 persoas que acudiron á Pontenova na pasada edición”.
Este é o segundo ano no que esta Feira se organiza no mes de decembro no canto de agosto. Este cambio de datas non supuxo ningún impedimento para repetir o éxito que vén colleitando dende os seus inicios, tal e como destacou Martínez lembrando esas 8.000 persoas que visitaron a pasada feira e que procedían de diferentes puntos de toda Galicia e doutras Comunidades, o que tamén supón unha importante labor de promoción do Concello da Pontenova e da comarca da Mariña.
40 artesáns, 25 anticuarios e demostracións en vivo
Malia xuventude desta Feira, que é totalmente gratuíta tanto para os profesionais participantes coma para os asistentes, xa se ten feito cun nome entre os profesionais do sector e o público en xeral, interesado na variedade e calidade dos produtos que se poñen á venda durante estes días. Este ano serán 40 artesáns, 20 dos cales proceden da provincia –á súa vez, 6 destes son locais- e arredor de 25 expositores de antigüidades procedentes de toda Galicia, Asturias, Castela e mesmo dende puntos máis alonxados coma Cataluña, o que é mostra da boa saúde desta Feira. Tamén neste caso hai representación de anticuarios locais, xa que 7 destes 25 proceden da zona.
Así mesmo, os asistentes poderán gozar de demostracións en vivo do traballo dun ferreiro, un tecelán, un escultor en madeira, de confección de bonecas e mesmo de olaría tradicional da ourensá Niñodaguia. Nos expositores de artesanía instalados no Museo do Salmón, poderanse mercar variadas pezas de cestería, olería, madeira, xoiería, traballos en coiro ou complementos en tea. Pola súa banda, os anticuarios ocuparán unha carpa de 1.000 m 2 ubicada na Praza dos Fornos.
Para repoñer forzas, os restaurantes da localidade terán un completo menú especial de feira, ó prezo de 12 euros.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
