Celanova, 22 de decembro de 2017. O CEIP Curros Enríquez, de Celanova (Ourense), recibiu o Premio Galicia Saudable á entidade educativa destacada no fomento e promoción da actividade física e hábitos de vida activa, grazas ás iniciativas Móvete 15 e Basket por Libros. Os Premios do Deporte Galego 2016 foron entregados no transcurso dunha gala celebrada onte no teatro Rosalía de Castro, da Coruña. Á cita acudiron o director do centro, Óscar Rodríguez, e o profesor de Educación Física, Xoán Vila Oural.
Móvete 15 é unha actividade que coordina Óscar Rodríguez, que ademais de director é tamén profesor de Educación Física, e consiste en que todo o colexio sae a andar 15′ todos os días. Ademais no centro practícanse duathlon ou campo a través e organizan a semana da bicicleta e o día da comida saudable, entre outras citas.
Basket por Libros, así se denomina a actividade na que participan alumnos e alumnas do CEIP Curros Enríquez, de Celanova (Ourense), con idades comprendidas entre os 8 e os 10 anos, baixo a coordinación do mariñán Xoán Vila, quen explicaba hai uns meses, cando puxo en marcha esta iniciativa, que “consiste en promocionar o baloncesto e a lectura”.
Hai que lembrar que o que fan estes rapaces é pagar a súa asistencia a clases de basket lendo libros, 1 ao mes como mínimo. Durante tres sesións de adestramento á semana practican basket, despois de dedicar un tempo na súa casa ou no colexio á lectura.
O traballo realizado ao longo dos últimos meses xa tivo tamén a súa recompensa porque se foi renovando o equipamento para a práctica deste deporte no CEIP Curros Enríquez, de Celanova.
Óscar Rodríguez e Xoán Vila amosáronse satisfeitos por este Premio do Deporte Galego 2016, “aínda que as actividades parten do departamento de Educación Física, todo o claustro se implica. E iso é moi importante para poder levar adiante todo este traballo”.
O CEIP Curros Enríquez, de Celanova, ven de recibir un dos premios do deporte galego 2016 en recoñecemento ás iniciativas desenvolvidas para o fomento e promoción da actividade física e hábitos de vida activa. Basket por libros, do mariñan Xoán Vila, é unha delas
Relacionado
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
