BURELA .- A alcaldesa en funcións e responsable de Cultura, Neves Cando, presentou a edición do libro de Os Bolechas adicada a Burela titulado “Os Bolechas van de viaxe. O bonito de Burela” do debuxante Pepe Carreiro. O libro vaise distribuír a vindeira semana na Feira do Bonito en setembro será entregado coma agasallo aos nenos da escola infantil e aos alumnos de primaria.
A alcaldesa en funcións, Neves Cando, subliña que “é unha aposta que fixemos desde a delegación de Cultura pola lectura, pola nosa cultura, polas nosas tradicións e polo noso pobo. Unha aposta que supón a promoción de Burela”.
A viaxe de Os Bolechas por Galiza xa pasou por Lugo e Monforte de Lemos ou Ferrol, Pontevedra, Compostela e Vigo.
Nota de Prensa
O CONCELLO REPARTIRÁ 2.000 EXEMPLARES DO LIBRO OS BOLECHAS VAN DE VIAXE.O BONITO DE BURELA, DURANTE A FEIRA DO BONITO DA VINDEIRA SEMANA E AO INICIO DO CURSO ESCOLAR ENTRE OS ALUMNOS DE INFANTIL E PRIMARIA.
Burela, 23 de xullo de 2008. A alcaldesa en funcións e concelleira de Cultura, Neves Cando, presentou hoxe unha edición especial de Os Bolechas adicada a Burela. Os Bolechas van de viaxe.O bonito de Burela é un libro de aventuras da editorial A Nosa Terra que esta vez discorre polas rúas, polas praias e polo mar de Burela. Neves Cando considera que <esta colección é sobradamente coñecida polos nosos pícaros polos seus títulos sobre temas xerais de contido educativo, pero ten tamén a vertente viaxeira e preséntanos distintas aventuras pola xeografía galega. Despois de percorrer cidades coma Lugo, Ferrol, Pontevedra, Compostela, Vigo ou mesmo os xogos olímpicos de Pekín agora chegan a Burela os irmáns Bolechas coas súas aventuras>. A edil nacionalista engade que <Burela será terceira vila da provincia de Lugo onde se localicen as súas aventuras despois da propia capital e de Monforte de Lemos, e será a súa primeira incursión na Mariña>.
Neves Cando conta que o autor da colección, o debuxante Pepe Carreiro visitou Burela durante o mes de maio <e aquí coñeceu de primeira man a nosa tradición boniteira e os nosos lugares máis emblemáticos e a partires de aquí xurdiu O bonito de Burela. Un libro no que poderemos ler a aventura dos seus protagonistas e a súa amiga de Burela na procura dun bonito e poderemos achegarnos a Burela a través do paseo marítimo e da praia da Marosa, ao faro, á zona xeolóxica de Castrelo, á Casa da Cultura e á Casa do Concello, ao peirao, ao noso barco museo e remataremos degustando empanada na feira do bonito>. A concelleira de Cultura asegura que <é pois un libro de aventuras e de viaxes para os máis pequenos pero tamén un libro que mostra a Burela ao exterior e que promociona os nosos lugares máis fermosos. Nós presentámoslle a idea á editorial e na súa liña de facer libros sobre as vilas e cidades galegas, acolleu moi ben a iniciativa e a nós parecéunos a mellor idea para promocionar non só a lectura senón tamén turísticamente o noso Concello>.
Os Bolechas van de viaxe. O bonito de Burela váise distribuir a vindeira semana na festa da bonito e despois en setembro cando comence o novo curso escolar será entregado coma agasallo aos nenos da escola infantil e aos alumnos de primaria. Neves Cando anuncia que <teremos ademáis a honra de contar con Pepe Carreiro para que nos conte diante dos alumnos de secundaria o seu labor á fronte desta colección de libros tan coñecida e recoñecida no noso país. É unha aposta que fixemos desde a delegación de Cultura pola lectura, pola nosa cultura, polas nosas tradicións e polo noso pobo. Unha aposta que supón a promoción de Burela entre os máis pequenos e entre o público en xeral. Agardamos que esta iniciativa guste aos nosos nenos, que gocen coa lectura desta aventura e que se sintan identificados coas nosas paisaxes>.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
