BURELA .- O grupo municipal do PP de Burela anunciou que o “proceso de selección de persoal para a Aula de Educación Ambiental GAIA naceu viciado e podería darse por nulo todo o procedemento de mediar denuncias xudiciais por medio”. Os populares ven “detrais deste tema” a concelleira Lucía Bouza “que xa maquinou os baremos dos profesores da escola de Música”. Según o PP o proceso selectivo “non cumpriu a lei no seu primeiro exame, xa que o mesmo non foi custodiado pola secretaría do Tribunal, tal e como consta na acta de celebración e cualificación da indicada proba”.
Nota de Prensa
COMITÉ LOCAL-GRUPO MUNICIPAL
BURELA
NOTA DE PRENSA DO GRUPO MUNICIPAL DO PARTIDO POPULAR
O GMPP de Burela afirma que o primeiro exame do persoal laboral fixo de GAIA foi irregular.
Os populares aseguran que o examen non foi custodiado pola secretaría do tribunal.
O PP di que Lucía Bouza volve a estar baixo sospeita.
O GMPP de Burela afirmou hoxe a través dunha nota de prensa que o proceso para a selección e contratación de persoal laboral fixo para a Aula de Educación Ambiental GAIA non cumpliu a lei no seu primeiro exame, xa que o mesmo non foi custodiado pola secretaría do Tribunal, tal e como consta na acta de celebración e calificación da indicada proba.
O PP lembra que un caso similar se deu no proceso de selección de persoal labora fixo de peóns e oficiais e daquela houbo sospeitas de que exemplares da primeira proba foron repartidos entre certos aspirantes.
Pois ben, agora volve a acontecer o mesmo, xa que lei di claramente que as probas serán confeccionadas polo tribunal e serán custodiadas pola secretaría do tribunal, e como esto non se cumpliu, a celebración do primeiro examen de GAIA foi ilegal, e por riba tamén con comentarios sobre a distribución de copias a determinados aspirantes. En definitiva, o proceso de selección de GAIA naceu viciado e podería darse por nulo todo o procedemento de mediar denuncias xudiciais por medio.
E detrais deste tema, a Srta. Dna. Lucía Bouza, que xa maquinou os baremos dos profesores da escola de Música para que o seu irmán fose o primeiro dos seleccionados, e agora volve a estar baixo sospeita, como algún sector do PSOE manifestou na prensa.
Esta señorita mentiu cando dixo que no proceso de GAIA non había ningunha irregularidade e que todo fora transparencia e legalidade. Como se vé, ós socialistas non se lles pode crer nada, minten coa maior cara dura, e non se poñen colorados.
Lucía Bouza súmase ó grupo de concelleiros socialistas que non son de fiar, e que acostuman a mentir, grupo que forman o alcalde, Dna. Remedios López, Dna. Sonia Fraga (que cando estivo traballando no concello non criticaba as entrevistas, logo dixo que as ía eliminar e agora seque a usalas) e Dna. Lucía Bouza. Sálvase de momento D. Pascual Domenech.
Todo esto deben sabelo os veciños do concello de Burela para que teñan claro en todo momento a catadura moral das persoas que nos gobernan representando ó PSOE. Logo non é de extrañar que entre eles, no mesmo PSOE, haxa o que hai. Razóns non lles faltan, ainda que logo son os primeiros que se fan as víctimas e lle piden ó PP que faiga oposición: pero como se vai poñer ó raposo a gardar o galiñeiro.
En Burela, a vinteún de Xullo de dous mil oito.
O Grupo Municipal do Partido Popular de Burela.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
