A MARIÑA .- O parlamentario autonómico do PP, José Manuel Balseiro, asegura que “acreditou” no Parlamento “510 días de espera para acceder ao caótico servizo de cardioloxía do Hospital da Costa. Balseiro afirma que “moitos dos veciños da Mariña non saben que o profesional encargado de facer o filtro de pacientes no servizo de cardioloxía non é un especialista do corazón senón un médico de medicina interna”.
Nota de Prensa
Cayetano Rodríguez Escudero, secretario xeral do SERGAS emprazado a explicar, na Cámara autonómica e a proposta do Grupo Popular, “as múltiples deficiencias que se están a producir nesta especialidade médica”.
BALSEIRO ACREDITA NO PARLAMENTO 510 DÍAS DE ESPERA PARA ACCEDER AO “CAÓTICO” SERVIZO DE CARDIOLOXÍA DO HOSPITAL DA COSTA
o Moitos dos veciños da Mariña non saben que o profesional encargado de facer o “filtro” de pacientes no servizo de cardioloxía non é un especialista do corazón senón un médico de medicina interna.
A Mariña, 18 de setembro de 2008.- A saturación que está a afectar ao servizo de cardioloxía do Hospital da Costa de Burela foi obxecto de debate na Comisión de Sanidade do Parlamento de Galicia celebrada no día de hoxe. O Grupo popular, a través do seu deputado mariñán José Manuel Balseiro Orol, interesábase sobre o número de especialistas que traballan nesta área, sobre o procedemento empregado polo SERGAS para informar aos pacientes desta especialidade que o profesional que lles estaba a tratar, nas primeiras visitas, non é un cardiólogo senón un internista, e outras cuestións relativas á enorme demora que se está rexistrar para o acceso a esta consulta, -unha da que maiores listas de espera rexistra no conxunto dos hospitais galegos-
510 DÍAS DE ESPERA
Como mostra das deficiencias que afectan a esta especialidade Balseiro Orol puxo tres exemplos de pacientes que estaban a sufrir “graves prexuízos” como consecuencia “do mal funcionamento dos servizos sanitarios comarcais”. Así por exemplo indicou que podía acreditar a existencia dun doente mariñán que leva esperando 510 días para ter a súa primeira cita co cardiólogo. “Pediu a vez o 11/05/2007 e déronlle cita para o 2/10/2008”. A maiores deste caso, Balseiro Orol tamén explicou o acontecido cun paciente operado dun “dobre bay-pass, unha invertención a corazón aberto” e que, unha vez dado de alta do servizo de cirurxía, e á espera de dispoñer dunha nova cita de revisión co cardiólogo do Hospital da Costa faleceu. Días despois do falecemento o servizo de admisión do centro hospitalario burelense chamaba para cancelar a cita sine die todo iso pese a gravidade da operación realizada “Non e lóxico, nin aceptable, que a un paciente prioritario vexa canceladas as súas citas de revisión, sen darlle datas alternativas, e sen nin tan sequera observar a evolución da enfermidade”.
Finalmente, Balseiro Orol tamén lembrou un caso que transcendeu a todos os medios de comunicación, o de José Duarte, de 67 anos, que pasou 17 meses esperando a acceder a unha consulta, a pesar de ser un paciente infartado. Este veciño de Viveiro vía como se lle cancelaba continuamente a súa cita, sen ningún tipo de explicación.
O máximo dirixente do SERGAS, Cayetano Rodríguez limitouse a lamentar estas deficiencias, “sen ofrecer solucións alternativas para este tipo de casos”, e chegou incluso a poñer en dúbida a veracidade dos datos empregados polo deputado popular. “Iso si, non quixo responder ao requirimento efectuado desde o PP, para trasladarlle os papeis que demostran estas longas e inxustificables esperas. Simplemente tres exemplos dos moitos que acreditan que se están a producir cancelacións masivas de citas, no servizo de cardioloxía e outras especialidades, do Hospital da Costa”.
O SERGAS INDUCE Á CONFUSIÓN:
UN INTERNISTA REALIZA FUNCIÓNS DE CARDIÓLOGO
Por outra banda, o deputado popular José Manuel Balseiro Orol tamén criticou o feito de que “moitos dos veciños da Mariña cando chegan á consulta de cardioloxía pensan erroneamente que están a ser atendidos por cardiólogos, porque ninguén os informa que no Hospital da Costa quen lles está a realizar as primeiras probas non é un especialista do corazón senón un médico internista”. Cayetano Rodríguez xustificou que esta situación era “habitual en moitos hospitais terciarios de Galicia”.
O deputado popular critica que un dos argumentos empregados polo SERGAS para xustificar este feito sexa que “os médicos dispoñen dunha placa nas súas batas, onde se lles identifica e na que se acredita a especialidade da que dispoñen. “Unha resposta absurda” – a xuízo do deputado popular- “para non ter que recoñecer que se está inducindo á confusión dos pacientes de cardioloxía”. Balseiro Orol indicou que “sen estar a prexulgar o enorme grado de profesionalidade do médico internista, que nos consta que así é, non estaría mal que no Hospital da Costa fixeran saber, sen lugar á menor dúbida, que o traballo deste médico internista que fai funcións de cardiólogo é filtrar pacientes e facer unha análise preliminar dos casos que chegan a este servizo”
ACLARACIÓNS
Por último as preguntas do Grupo Parlamentario Popular serviron para aclarar as declaracións contraditorias realizadas polo propio secretario xeral do SERGAS e o director xerente do Hospital da Costa. Sanidade confirmou que a dia de hoxe hai tres cardiólogos e un especialista de medicina interna prestando os seus servizos nesta consulta do centro hospitalario mariñán.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
