BARREIROS .- O alcalde de Barreiros e o seu grupo municipal, o PP, levarán ó pleno do vindeiro martes 30 de setembro unha moción para a adopción de medidas de aforro e austeridade no gasto público. Unha proposta que a súa formación está a presentar en tódolos concellos e institucións nas que goberna en todo o país. Alfonso Fuente di que “pode parecer estrano presentar unha moción de austeridade por parte do equipo de goberno, pero hai criterios e liñas a seguir que hai que levar a cabo antes de que xurdan os problemas. Nós temos que ver a solución antes de que se xenere o problema e entón anticipándonos por eso levamos esta moción ó vindeiro pleno”.
Fuente Parga engade que a moción “propón a conxelación de todos os soldos dos cargos públicos: alcalde e concelleiros, así coma a conxelación das retribucións en concepto de dietas e asistencias a órganos colexiados, así coma as asignacións para o funcionamento dos grupos municipais. Tamén propón a redución dos gastos de protocolo e representación e a elaboración dun plan de axuste do gasto corrente co horizonte desexable de acadar ata un 10% de aforro”.
O rexedor barreirense destaca que “todo esto non é máis que para non reducir os gastos sociais… os gastos que levan á prestación dos servizos ós nosos veciños, para non reducilos, para que os veciños non noten o detrimento nos servizos que están a recibir desde o Concello por ese motivo propoñemos a adopción destas medidas. En Barreiros podémolas tomar libremente porque o Concello de momento se atopa nunha situación na que aínda pode tomar este tipo de acordos, para os que pedimos o apoio dos partidos da oposición”.
Pacto local
Alfonso Fuente lembra que “a Xunta comprometéuse hai tres anos a abonar unha serie de gastos que están a soportar os Concellos, coma o mantemento do centro de saúde (o gasoil), a persoa que fai a limpeza nese centro, os conserxes e o gasoil dos colexios públicos e a limpeza tamén dos colexios. E tamén imos pedir que a Xunta, que adquiriu ese compromiso coa Federación Galega de Municipios e Provincias a través da firma do Pacto Local, cumpra. Si a administración autonómica cumpre co Concello de Barreiros nós teremos máis recursos para prestar mellores servizos ós cidadáns. Por iso non pode ser que se firmase ese acordo hai tres anos e que a día de hoxe o único que asumise a Xunta fose o gasto de gasoil dos colexios. Hai unha serie de gastos que todos os meses se cargan sobre os presupostos municipais dos Concellos e si un se compromete a pagalos que o faga… é dicir que cada pao aguante da súa vela”.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
