CERVO .- Arre-Demo, a primeira asociación xuvenil do Concello de Cervo preséntase en San Cibrao, segundo indican desde o Concello. A finalidade principal desta entidade é o “fomento de todo tipo de actividades culturais e recreativas, de xeito especial, a través da organización, promoción e colaboración con eventos de tipo musical”. Os directivos da asociación son Javier Pais González, David Ángel Villares Sánchez, Miguel Esteban Muruais, Sara Novoa Díaz e Hector Sanz Rey.
Nota de Prensa
A Concellaría de Xuventude colaborou cos trámites de constitución desta nova asociación que terá a súa presentación mañá xoves ás 19.30 horas no Auditorio Municipal da Casa da Cultura (San Ciprián)
NACE A ASOCIACIÓN “ARRE-DEMO” PRIMEIRA AGRUPACIÓN XUVENIL DE CERVO
• O colectivo estará constituído por mozos e mozas do I.E.S. Marqués de Sargadelos
• A directiva estará integrada por Javier Pais González, David Ángel Villares Sánchez, Miguel Esteban Muruais, Sara Novoa Díaz e Hector Sanz Rey.
Cervo, 29 de outubro de 2008.- Mañá xoves, ás 19.30 horas, no Auditorio da Casa da Cultura de San Ciprián, terá lugar o acto de presentación da asociación xuvenil, cultural e recreativa ARRE-DEMO que integra a un grupo de mozos e mozas do I.E.S. Marqués de Sargadelos. O devandito colectivo estará presidido por Javier Pais González, o cargo de vicepresidente-tesoureiro o ostentará David Ángel Villares Sánchez, a secretaría corresponderá a Miguel Estaban Muruais e como vocais foron designados Sara Novoa Díaz e Hector Sanz Rey.
Deste xeito nace a primeira agrupación xuvenil de Cervo en cuxos trámites de constitución colaborou a Concellaría de Xuventude do consistorio municipal, que preside a edil Chelo Gallego. O Concello de Cervo e a directiva da nova asociación convidan a todos os rapaces e rapazas do municipio a integrarse neste colectivo e, en todo caso, a participar na vida asociativa do municipio ofrecendo propostas, impulsando novas actividades e, en definitiva, estimulando o papel da xuventude.
CULTURA, MÚSICA E NOVAS TECNOLOXÍAS FINS PRINCIPAIS
Entre os obxectivos principais desta agrupación está o fomento de todo tipo de actividades culturais e recreativas, de xeito especial, a través da organización, promoción e colaboración con eventos de tipo musical. Moitos dos integrantes desta asociación forman parte a súa vez de grupos musicais polo que unidos neste sen ánimo de lucro, pretenden impulsar todo tipo de actividades relacionadas con mundo da música. Ademais de todo isto, os asociados buscan estimular e dar a coñecer as novas correntes tecnolóxicas e os avances científicos.
A nova asociación, que xa solicitou a súa inscrición no rexistro autonómico pertinente, colaborará coa Concellaría de Xuventude no deseño das actividades recreativas e culturais destinadas á mocidade. Neste senso coinciden na importancia de que os locais antigamente ocupados polos médicos na Casa do Mar de San Ciprián, hoxe pechados, poidan ser destinados a xuventude, reclamación que, de xeito provisional e ata que se decida un novo uso, trasladou o Concello de Cervo á Vicepresidencia da Igualdade e do Benestar, organismo encargado da xestión destas instalacións.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
