CERVO .- O Concello de Cervo solicitou a Deputación, por terceira vez dende o 30 de xullo, que construa un paso de peons fronte ao novo centro de saúde de San Ciprián e que faga outro na estrada que vai desde a rotonda de acceso á capital municipal ata O Paraño en Cervo.
Desde o Concello de Cervo aseguran ter “un forte compromiso coa mellora da seguridade varia e peonil nas estradas e vías que discorren ao longo do termo municipal” e informan de que “están a levarse a cabo a instalación de varios pasos peonís elevados con adoquines nas principais estradas de San Ciprián, de titularidade municipal, en colaboración co departamento estatal de Costas”.
Nota de Prensa
O CONCELLO INSISTE NA SÚA RECLAMACIÓN Á DEPUTACIÓN PARA QUE INSTALE CON URXENCIA PASOS DE PEÓNS ELEVADOS FRONTE AO CENTRO DE SAÚDE DE SAN CIPRIÁN E NA PRINCIPAL VÍA DE CERVO
Os pasos de peóns elevados permitirían mellorar a seguridade viaria e diminuir as situacións de perigo.
O CONCELLO INSISTE NA SÚA RECLAMACIÓN Á DEPUTACIÓN PARA QUE INSTALE CON URXENCIA PASOS DE PEÓNS ELEVADOS FRONTE AO CENTRO DE SAÚDE DE SAN CIPRIÁN E NA PRINCIPAL VÍA DE CERVO
• O Alcalde remitiu no ultimo ano ata en tres ocasións unha misiva ao organismo provincial titular desta estrada a través da que fai efectiva esta reclamación.
Cervo, 16 de outubro de 2008.- O Concello de Cervo insiste na súa reclamación para que a Deputación Provincial de Lugo instale con urxencia pasos de peóns elevados en varios puntos do termo municipal: fronte ao novo centro de saúde de San Ciprián e na estrada que vai desde a rotonda de acceso á capital municipal ata O Paraño (Cervo)
CENTRO DE SAÚDE
No primeiro deles o Goberno municipal urxe na colocación destas medidas destinadas ao reforzo da seguridade viaria na estrada de titularidade provincial Lu-1510, que une as localidades de Cervo e Burela pola Marosa (tamén coñecida como estrada do instituto). O Concello de Cervo xa remitiu no último ano ata en tres ocasións unha misiva ao organismo provincial sen que, ata o momento, se desenvolveran as devanditas obras. “Iso a pesar de que se comprometeran por escrito a estudar a posibilidade de facelo”.
O Goberno municipal lembra que tras a apertura do novo centro de saúde o pasado verán aumentou a afluencia de veciños nesta zona que soporta un gran tránsito de vehículos. Coches e camións que circulan habitualmente a maior velocidade da permitida polo que “se deben adoptar con urxencia medidas que eviten futuras situacións de perigo, antes de que teñamos que lamentar algunha desgracia”
PRINCIPAL VÍA DA CAPITAL MUNICIPAL
No segundo caso, a instalación de novos pasos peonís elevados na estrada que atravesa as principais rúas da capital municipal: Avenida de Galicia, Xose María Álvarez, … permitiría poñer fin as situacións de risco que xa tiveron lugar no pasado cando un vehículo accidentouse contra unha das casas dispostas ao longo deste percorrido. A actuación no treito sobre o que se debe garantir a seguridade peonil, ten sentido toda vez que nel sitúase a praza do Souto, e está nas proximidades do Ecomuseo e do futuro Centro Social para persoas maiores.
COMPROMETIDOS COA SEGURIDADE VIARIA E PEONIL
O Concello de Cervo ten un forte compromiso coa mellora da seguridade varia e peonil nas estradas e vías que discorren ao longo do termo municipal. Con este obxecto, está a desenvolver múltiples actuacións entre as que destaca a construción de pasos de peóns elevados a e disposición de bandas reductoras de velocidade en varios puntos estratéxicos do termo municipal. Neste senso, están a levarse a cabo a instalación de varios pasos peonís elevados con adoquines nas principais estradas de San Ciprián, de titularidade municipal, en colaboración co departamento estatal de Costas.
Desde o Executivo cervense lembran que ademais de garantir a seguridade dos peóns e viandantes este tipo de medidas facilitan a accesibilidade para aquelas persoas que presentan dificultades ou discapacidades que afectan á súa mobilidade. Son, polo tanto, múltiples os aspectos positivos a considerar.
PETICIÓNS REITERADAS.
Relación de cartas remitidas á Deputación provincial facendo efectiva a reclamación para a instalación de pasos de peóns elevados fronte ao Centro de Saúde:
– 08 de outubro de 2008 (Rexistro de saída municipal nº 3837)
– 19 de setembro de 2008 (Rexistro de saída municipal nº 3535)
– 30 de xullo de 2008 (Rexistro de saída municipal nº 2812)
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
A celebración estivo organizada pola asociación cultural Ourofest coa colaboración do Concello do Valadouro e contou co apoio do Goberno galego. Villares participou na celebración litúrxica, que contou coa actuación do coro da Escola de Música ‘Ao Compás do Río Ouro’, e compartiu coa veciñanza esta xornada festiva de especial arraigo na localidade.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
