BURELA .- O alcalde de Burela, Alfredo Llano, amósase satisfeito coas obras que acometerá Costas nos vindeiros anos en Burela “traballos que nos anunciou na súa visita a esta zona a deputada en Madrid, Margarita Pérez Herráiz”. O rexedor destaca “o acondicionamento dos accesos ás praias perto de Rueta que abarca os termos municipais de Cervo e de Burela e que xa están semiacondicionados. Esta obra tiña un presuposto inicial de 1.200.000 euros e xa queda para executar no 2009 un total de 573.000 euros”.
Llano tamén se congratula “da dotación de servizos á praia de Ril que é moi importante, onde penso que se van a acometer unha serie de obras que modificarán para ben aquel entorno, porque se vai dotar de mobiliario, de xogos, dun parque para os nenos, dunha caseta para os socorristas, de aparcadoiros. Esta obra ten un orzamento de 611.000 euros e no 2009 executarase unha partida de 169.000”.
O alcalde burelés engade que “xa se está a realizar o estudio morfodinámico da zona do Perdouro e o proxecto de rexeneración da praia que está alí ubicada; tamén temos unha dotación de servizos ás praias do Cabaliño e do Portelo e tamén imos efectuar a recuperación ambiental do amplo espazo dotacional que temos na praia da Marosa. Son perto de 300.000 metros cadrados en total onde imos tratar de facer un proxecto moi guapo para crear alí unha grande área recreativa que lle dará moitísimo pé ao turismo de Burela. É un proxecto moi importante que se acometerá o ano que ven”.
Llano asegura estar moi contento “coa realización destes proxectos que xa tiñamos demandado para a nosa vila e que significa que lle están dando importancia ao noso Concello”
ÚLTIMA HORA
- Trabada consegue unha subvención para continuar mellorando a área recreativa de A Choza, na Ría de Abres
- O Concello de Viveiro forma ao persoal municipal no uso de desfibriladores
- Vilalba inicia a renovación da rede de abastecemento da rúa Cidade de Viveiro
- O CEIP de Cervo participa no encontro final do proxecto estatal “Cada Gota Conta” nos Pireneos
- O Concello de Viveiro informa de que este martes, 9 de xuño, producirase un corte no subministro de auga nas zonas das Pallaregas, Barrio do Conexo e Congostras
A interrupción do servizo está prevista entre as 8.00 e as 19.00 horas con motivo dos traballos de conexión á nova obra de saneamento que se está a executar na contorna. Trátase dunha intervención necesaria para avanzar na mellora das infraestruturas e dos servizos básicos na zona. - O colexio Sagrado Corazón, de Ribadeo, celebrou unha cerimonia de graduación para o alumnado que rematou este curso sexto de Educación Infantil, a súa primeira etapa escolar no centro
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción. - Un coro de 400 nenas e nenos de toda Galicia interpretou este veners en Vilalba poemas da Terra Chá no concerto No bico un cantar
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas. - O Concello de El Franco presenta “Conciliando tu verano rural 2026”
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello. - O CEIP Península da Paz, de San Cibrao, celebrará o seu 40 aniversario o martes 9 de xuño ás 17:00 horas nas instalacións do propio centro
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas. - O Bar O Faro de San Cibrao celebrou o pasado sábado, 30 de xuño, o seu décimo aniversario cunha xornada especial que reuniu clientes, amizades e veciñanza
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo. - A sala de exposicións de Regalxunqueira, Viveiro, acolle ata o 30 de xuño a mostra Coma sempre da pintora lucense Carmen Prado, artista autodidacta coñecida pola súa obra centrada na figura feminina
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos.
2021 Crónica 3 A Mariña - Implementado por GaliciaDigital