CERVO .- As obras que a Deputación provincial está a levar a cabo na estrada que une as parroquias cervenses de Rúa e San Román continúan xerando incomodidades e acumulando protestas dos veciños e usuarios da vía. Delas fanse eco desde o Goberno municipal que, a través da súa edil Yolanda Pedreira, denuncian a perigosidade que implica a presenza de varios postes do tendido eléctrico que, situados no medio da estrada, poden dar lugar a colisións cos vehículos que por alí circulan.
Segundo a edil ” Deputación provincial xa ten constancia deste risco e doutras deficiencias presentes en varios treitos desta estrada. Así se lles fixo saber con ocasión das múltiples comunicacións que desde o Concello de Cervo están a remitir para que procedan á súa inmediata corrección. Desgrazadamente e, ata o momento, o organismo provincial está a facer caso omiso destas advertencias e non se descarta que, de persistir as deficiencias denunciadas, poidan dar lugar a accidentes de consecuencias imprevisibles que despois todos lamentaríamos”.
ALTO PERIGO: RISCO ELÉCTRICOO
Yolanda Pedreira lembrou que estamos a falar de cuestións de extremada perigosidade pois a colisión de calquera vehículo contra un poste do tendido eléctrico supón un risco salientable que debera implicar unha actuación urxente por parte daqueles que realizaron a obra, isto é por parte da Deputación provincial. De feito, os propios postes dispoñen dunha pequena sinal que pon de relevo o seu “alto perigo”. Nada parece ser suficiente para o organismo provincial que se limitou a poñer unha cintas e a unha pintura que nin tan sequera son reflectantes.
Desde o Concello de Cervo insisten na urxencia de que o organismo provincial acometa a retirada destes postes eléctricos que, tras a ampliación do ancho da estrada, aparecen situados no medio da vía. Ao mesmo tempo rexeitan calquera tipo de argumento que desde a Deputación provincial poidan empregar para xustificar a persistencia da situación actual. “Non nos importa que eses postes sigan alí porque a Deputación non acaba de poñerse de acordo coa empresa subministradora ou porque aínda non efectuaron os pagos para autorizar a retirada dos mesmos, o que queremos e que desaparezan do medio dos carrís de circulación o antes posible” – explicou Pedreira.
CONTINÚAN AS OBRAS DE REBACHEO PROVISIONAL
Como xa adiantamos esta non é a única deficiencia que se está a contemplar como consecuencia das obras que se desenvolven nesta estrada. Despois de que a Deputación provincial incumprira o seu compromiso de amañar as fochancas que fan practicamente intransitable varios treitos da vía, operarios do Goberno municipal continuaban no día de hoxe desenvolvendo os traballos iniciados o pasado venres. Con eles o Concello de Cervo pretenden compensar a falta de actividade do organismo provincial e corrixir, malia que sexa de xeito provisional, gran parte destes inconvenientes. Unha vez rematados remitirán a factura co custe desta actuación á Deputación da que esperan asuma a súa responsabilidade no mal estado desta estrada e con elo o custo da reparación provisional.
EMPRAZAMENTO A BESTEIRO
Finalmente o equipo de Goberno empraza ao Presidente da Deputación, López Besteiro a “abandonar a súa estratexia de desidia e tomar cartas no asunto” de tal xeito que sexa posible amañar con urxencia cada unha destas deficiencias. Insisten en que deben facerse antes de que “teñamos que lamentar graves consecuencias como accidentes e outro tipo de danos nas persoas ou nos vehículos”. Nesa mesma liña amosan a súa sorpresa porque pese a que varios dos concelleiros da oposición teñen varias responsabilidades dentro do organismo provincial, “non están a ser capaces de interceder polos seus veciños e reclamar xunto con nos o amaño destas deficiencias”.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
