CERVO.- O grupo de teatro “O Bordelo“, por undécimo ano consecutivo, cumprirá con todos os amantes da escena estreando nova peza o día 5 de Xaneiro no Auditorio de Sargadelos, ás 20 horas. despois da Cabalgata de Reis, organizada por Airiños do Xunco.
Despois de pechar o seu décimo aniversario no que tiveron unha morea de actos e representacións por toda Galicia e polo Occidente Asturiano , os membro do colectivo teatral cervense apuran os ensaios para poder cumprir co agasallo de Reis dedicado a tódolos veciños e visitantes.
A nova peza “O espello do prestamista“, escrita e dirixida por Francisco Piñeiro, afronta o problema actual da crise desde unha perspectiva histórica e baixo o prisma da retranca e da filosofía popular. Darán vida ás personaxes : María Paz Rodríguez Silva, Dolores Viamonte Rey, Antonio Glez – Patoso , Xosé Manuel González-Copa e Francisco Piñeiro.
ÚLTIMA HORA
- A XXXIX Feira do Mel do Valadouro celebrarase o sábado 10 de outubro, de 10:00 a 19:00 horas, na Praza de Santa María e na rúa Andrés López Palmeiro
- Ribadeo acolle esta fin de semana as Xornadas de Exaltación do Mexillón con 25 locais participantes
- O XV Encontro de Palilleiras de Xove contará este sábado con máis de 300 participantes e 21 postos de artesanía
- A Vicepresidencia da Deputación salienta o labor da Asociación Ó compás do río Ouro na dinamización cultural do Valadouro e Alfoz
- A XXXIX Feira do Mel do Valadouro celebrarase o sábado 10 de outubro, de 10:00 a 19:00 horas, na Praza de Santa María e na rúa Andrés López Palmeiro
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles. - O Reyco Burela abre a súa escola con sesións específicas para porteiros/as
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo. - Tres persoas resultaron feridas en Castro de Rei tras un accidente cun camión e dous coches implicados
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada. - A XXXIV Festa da Faba de Lourenzá protagonizará o programa Voces de Lugo, de RadioVoz, que se emitirá este venres, día 2 de outubro, en directo desde a Praza do Conde Santo para toda a provincia
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. - O Castro de Esteiro inicia a súa terceira campaña de escavación dentro do Plan de Castros de Asturias, grazas á colaboración entre a Consejería de Cultura e o Concello de Tapia
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización. - Vilalba celebrará este domingo 4 de outubro, na Praza de Santa María, a primeira Feira de Futuros/as Produtores/as Profesionais, unha iniciativa do Concello e da Asociación A Estruga para dinamizar os domingos de feira e apoiar a produción local
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes. - Un total de 37 persoas participaron o pasado domingo, 27 de setembro, nunha nova saída da oitava edición do ‘Guitiriz en Ruta’, o programa de sendeirismo organizado polas Escolas Deportivas Municipais coa colaboración do Concello
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
2021 Crónica 3 A Mariña - Implementado por GaliciaDigital