Lugo, 1 de outubro, 2026. O deputado Daniel García felicitou á Asociación Cultural Ó compás do río Ouro, que este tarde celebrou o primeiro ano ano e medio de traballo na formación musical e na dinamización cultural dos concellos do Valadouro e Alfoz.
O responsabel provincial transmitiu os parabéns ao colectivo cultural durante un acto celebrado na Casa da Cultura do Valadouro, no que se repasou a actividade desenvolvida a redor da banda e da escola de música e que contou tamén coa participación de representantes dos concellos de Alfoz e Valadouro e doutras entidades colaboradoras.
Na súa intervención, Daniel García puxo de relevo “o papel do asociacionismo na dinamización cultural, especialmente no eido da música”, lembrando que “son estes colectivos os que sosteñen unha gran parte dos espazos de formación e de difusión da música popular e tradicional nos concellos máis pequenos”. Nese sentido, valorou “a alternativa de aprendizaxe e lecer que a escola de música ofrece á rapazada do Valadouro e Alfoz, sen necesidade de desprazarse a outras vilas”.
“Soster ese tecido asociativo é fundamental para que as persoas participen da cultura, non só como espectadoras e espectadores, senon tamén como creadoras e creadores”, explicou o deputado que reafirmou “o compromiso da Vicepresidencia da Deputación con esa rede asociativa, a través de axudas directas pero tamén de programacións propias como o Tradigalu, pensada fundamentalmente para promocionar as agrupacións de música tradicional e as bandas da provincia”.
A banda de música Ó compas do río Ouro, dirixida por Pablo Pelaez, afianzou a súa presenza dos escenarios da provincia da man deste programa da Vicepresidencia da Deputación de Lugo, con diferentes actuacións desde setembro de 2025, en Alfoz, Cangas de Foz, Foz ou Guitiriz.
A área de Cultura provincial tamén colaborou coa entidade na organización do Festival de Músicos do Valadouro e Alfoz, que celebraron no pasado mes de agosto.
Comeza un novo curso na escola de múscia
A asociación “Ó compas do río Ouro” prepara o inicio do curso 2026/2027 na escola de música que conta con.medio cento de alumnas e alumnos e que ofrece clases de vento metal, vento madeira, percusión, corda, piano, acordeón e guitarra.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
