NOTA DE PRENSA
No día de onte o Grupo Parlamentario Popular denunciou que a falta dunha tripulación de reforzo do helicóptero da Xunta con base en Celeiro impediu o traslado aéreo dun enfermo desde o Hospital da Costa ata o centro hospitalario de Santiago de Compostela
BALSEIRO BOTA POR TERRA AS ESCUSAS OFRECIDAS POR SANIDADE E PESCA PARA XUSTIFICAR A INOPERATIVIDADE DO HELICÓPTERO DE EMERXENCIA CON BASE EN CELEIRO E SINALA QUE DE PERSISTIR ESTAS DEFICIENCIAS SE ESTÁ A POÑER EN RISCO A VIDA DAS PERSOAS
* O deputado popular adianta que as informacións ofrecidas no día de onte chegan ao Grupo Parlamentario Popular a través dos familiares do enfermo que permanece grave, ingresado na UCI, tras ter que soportar un traslado por estrada, en ambulancia, durante máis de 3 horas.
* Balseiro insiste na súa denuncia: O helicóptero Pesca 2 permaneceu inoperativo en base, durante toda a madrugada do día 6 de xaneiro, porque a única tripulación dispoñible para pilotalo superou as horas máximas permitidas de voo.
* Os populares reclaman unha vez más o reforzo do cadro de persoal do helicóptero con base en Celeiro, negado por PSOE e BNG na última sesión plenaria.
A Mariña, 9 de xaneiro de 2008.- O deputado autonómico do PPdeG José Manuel Balseiro Orol vén de botar por terra as escusas empregadas polas Consellerías de Sanidade e Pesca da Xunta de Galicia co obxecto de xustificar o acontecido o pasado luns 5 de xaneiro cando a inoperatividade do helicóptero con base en Celeiro -o Pesca 2- imposibilitou o traslado dun enfermo grave do Hospital da Costa ata o centro hospitalario de Santiago de Compostela. O parlamentario mariñán explica que esta denuncia, feita pública no día de onte, procede das informacións facilitadas por un familiar do enfermo que, finalmente, tivo que ser trasladado por estrada, demorando a súa chegada ata Santiago en máis de tres horas.
Balseiro afirma que é tal a descoordinación que reina na administración autonómica que dúas consellerías se están a contradicir. Por unha banda a Consellería de Sanidade mantén que o traslado vía aérea “foi desestimado” e polo outro, desde o departamento que dirixe Carmen Gallego, xustifican que o helicóptero nos despegou de base debido a “circunstancias climatolóxicas adversas”
PACIENTE EN SITUACIÓN GRAVE, INGRESADO NA UVI
O deputado popular entende que non son cribles os argumentos manexados por Sanidade xa que o paciente que debera ser obxecto do traslado aéreo ata Santiago, permanece ingresado na UVI, en situación de gravidade, e sen que poidan coñecerse aínda as secuelas que este cúmulo de deficiencias tiveron no seu estado de saúde. Polo tanto, non é crible nin aceptable que sendo esta a súa situación -estrema gravidade- os facultativos preferiran o traslado por estrada, con máis de 3 horas de duración (tiñan que ir a unha velocidade reducida) que empregado o helicóptero, que reduciría a duración a menos de 60 minutos.
¿O PESCA 2 NON OPERA CON NÉBOA?
Tamén os argumentos empregados pola Consellería de Pesca son endebles, a xuízo do deputado popular que afirma que, escusarse na situación climatolóxica para xustificar que o helicóptero non efectuara o traslado é tanto como afirmar que en situación de néboa, como a que ese día había, non pode saír o principal medio de emerxencia e auxilio marítimo que temos na nosa costa. Balseiro insiste en que durante toda a noite o helicóptero con base en Celeiro permaneceu inoperativo. Todo iso, debido a que os seus tripulantes superaron as horas máximas permitidas de voo e, non existe tripulación alternativa de reforzo.
O deputado popular afirma que non é a primeira vez que acontece e non será a última e vaticina que nestas próximas semanas podería volver a producirse. En todo caso, insiste en dirixir a responsabilidade ata os cargos políticos da Consellería de Pesca deixando claro que o comandante actuou en todo momento de xeito correcto. “Non podían voar máis porque a lei non o permite. Debera ser a Xunta de Galicia quen puxera os medios e o persoal suficiente, contratando unha tripulación de reforzo”.
GARANTIR A OPERATIVIDADE OS 365 DÍAS E AS 24 HORAS
De feito, insiste na necesidade de acometer este reforzo do cadro de persoal que na actualidade tripula o Pesca 2 de tal xeito que poida garantirse a súa eficacia ás 24 horas do día os 365 días ao ano. Lamenta, nesta liña, que PSOE e BNG votaran no pleno do Parlamento de Galicia en contra desta posibilidade e subliña tamén que, deste xeito, se están a poñer en serio risco vidas humanas. “Non nos poden dicir que ante calquera situación de emerxencia marítima ou necesidade de auxilio por emerxencia sanitaria o Pesca 2 non pode empregarse por falta de tripulación suficiente. De feito de ter lugar esa mesma noite un naufraxio como o do Rosamar, hoxe estaríamos lamentando terribles consecuencias, pois os helicópteros máis próximos son o Helimer Cantábrico que ten que vir desde Xixón e o Helimer Galicia con base en Coruña. E, cando se trata dunha operación de salvamento cada minuto conta”- concluíu Balseiro Orol
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
