A MARIÑA (FNC) .- O BNG critica aos que se opoñen ao plan do solo residencial da Xunta e non ofrecen outras alternativas. Segundo o deputado autonómico do Bloque Nacionalista Galego, Manuel Parga, “para o BNG o dereito á vivenda é un dereito equiparable ao dereito á saúde, ao ensino e ao traballo e para nós é un dereito que non debe quedar no papel senón que queremos poñelo en práctica e facelo unha realidade na Mariña. Como exemplo disto pódese ver que nos anos 2006, 2007 e 2008 promovéronse na Mariña máis de 3.400 vivendas protexidas, neste 2008 cualificáronse máis de 650 vivendas como protexidas o que triplica o número de vivendas cualificadas no 2004 que foron tan só 218”.
Parga engade que “para garantir este acceso a unha vivenda digna como un dereito e para non estar sometidos nun futuro aos aspectos negativos da especulación do mercado, os nacionalistas desde a Consellería de Vivenda promovemos o plan sectorial galego de solo residencial para vivenda protexida que queremos desenvolver entre os anos 2009 e 2017. Consideramos que é un plan necesario para acabar co uso especulativo do solo residencial na nosa comarca, pero tamén é unha oportunidade para as familias, para o sector empresarial e para os mesmos concellos. Todo este conxunto de actuacións pretenden cumprir os nosos compromisos e coa obriga dos poderes públicos de intervir na política de vivenda a favor das persoas con menos recursos”.
Pelotazos urbanísticos
O deputado nacionalista di que ao Bloque Nacionalista Galego “non deixa de chamarnos a atención que a oposición a este plan de vivenda desde o ámbito político a practiquen os mesmos aos que non lles preocupou elevar o prezo da vivenda, a especulación urbanística e a destrución do territorio. Son os mesmos que contribuíron á burbulla inmobiliaria cos estoupidos para provocar a crise que vivimos e o paro consecuente que estamos a padecer. Nós preguntamos cal é a alternativa dos que desde o ámbito político opoñense a este plan de vivenda porque temos exemplos moi paradigmáticos en Foz, en Barreiros, en San Cibrao e mesmo en Ribadeo, onde se pretendían dar pelotazos urbanísticos. Esa foi a política que practicou e está a practicar o PP na nosa comarca e á que hai que engadir algún alcalde e ex alcalde do PSOE”. Manuel Parga considera que “esta oposición está a dicir que non a 1.018 vivendas protexidas, a un investimento na Mariña de máis de 32, 2 millóns de euros, están dicindo que non á creación de emprego nunha época de crise aguda que se está a cebar especialmente no eido da construción e nos sectores auxiliares. Opóñense a máis de 85.000 metros cadrados de zonas verdes e equipamentos que favorecerán espazos de calidade para vivir. Estanse opoñendo a unha oportunidade para as familias da comarca de acceder a unha vivenda a un prezo adquirible. O PP e algúns alcaldes e ex alcaldes do PSOE opoñense a que haxa unha oportunidade para o sector empresarial, xa que a execución deste plan contribuirá a crear e a xerar actividade económica para os concellos. Nós preguntamos que pensan os veciños da Mariña do que defenden estes representantes políticos, cabe preguntarse a quen representan porque son os mesmos que xa se opuxeron ao decreto do hábitat galego que o único que pretende é que cos cartos que pagamos durante toda a vida poidamos ter unha vivenda de calidade”.
Diálogo, información e transparencia
O BNG “quere tranquilizar os propietarios do solo onde se situarán estas vivendas para garantirlles que ninguén vai facer negocio ou especular co solo á súa costa, que en todo momento vailles ser garantidos e respectados os seus dereitos coma propietarios, que haberá sempre diálogo, que haberá información e que haberá transparencia e que non van ser enganados polo BNG como o foron polo PP e por algúns alcaldes e ex alcaldes do PSOE e que pretenden seguir facendoo agora. O único que pretendemos é garantir dereitos tan importantes coma o acceso a unha vivenda digna para quen máis o necesita e que tamén vai a servir para impulsar e dinamizar a economía da comarca, algo imprescindible nuns momentos de importante crise económica. Non sabemos cales son as súas alternativas pero si o que fixeron ao longo destes anos”.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
