BURELA .- Veciños afectados polo Plano Sectorial de Vivenda da Xunta de Galicia na zona de Foxo, en Burela concentráronse ante unha das entradas do polideportivo no que participou nun mitin o candidato do BNG Anxo Quintana. O afectados aseguran que “queremos denunciar que a día de hoxe non se nos ten comunicado ningunha resposta ás nosas alegacións, presentadas hai xa cáseque dous meses”.
Nota de Prensa
NOTA DE PRENSA DOS VECIÑOS AFECTADOS POLO PLANO SECTORIAL DE VIVENDA DA XUNTA DE GALICIA EN BURELA.
Os veciños afectados polo Plano Sectorial de Vivenda da Xunta de Galicia na zona de Foxo, no concello de Burela, queremos denunciar que a día de hoxe non se nos ten comunicado ningunha resposta ás nosas alegacións, presentadas hai xa cáseque dous meses.
Os propietarios de Foxo que nos consideramos afectados queremos manifestar que estamos dispostos a levar a cabo as medidas que estean nas nosas mans, desde o máis estricto respecto á legalidade vixente, para que non se leve a cabo un proceso de literal atraco e de especulación coas nosas fincas.
Así, no día de hoxe tentamos amosar o noso malestar ós representantes do BNG que estiveron en Burela, facendo constar que este grupo político aínda non se reuniu coa plataforma creada a nivel galego para defender os intereses dos propietarios afectados, pero como resposta obtivemos un desprezo absoluto, posto que entrou pola porta traseira do pavillón para non dar a cara e volveu a saír pola mesma e por resposta obtivemos textualmente : “Vós veredes o que facedes”.
Consideramos que un partido político que se prece de ser goberno ou de ser alternativa de goberno debe estar disposto a falar cos afectados e recoller as súas inquedanzas, de cara a buscar unha solución a un problema que só foi xerando pola propia Xunta de Galicia sen contar en ningún momento cos propietarios afectados.
Polo tanto, queremos indicar que esta non será a última acción de protesta para defendernos do que entendemos que é unha decisión arbitraria da Xunta e que atenta contra o dereito de propiedade que temos todos os cidadáns. Desexamos deixar claro que estamos a favor de que todo o mundo poida exercer o dereito a ter unha vivenda digna, e polo tanto non nos opoñemos a que haxa vivenda protexida, pero non pisando os dereitos lexítimos dos propietarios de fincas, como está a acontecer.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
