NOTA DE PRENSA:
Segundo o deputado popular a continuidade das eivas que afectan a este centro público despois de ter investido preto dun millón de euros en reformas é un magnífico exemplo da “inmensa estafa” que constitúe a política social e de benestar desenvolvida polo BNG na Xunta
BALSEIRO VISITA A RESIDENCIA DE BURELA E COMPROBA QUE PERSISTEN AS DEFICIENCIAS ESTRUTURAIS DENUNCIADAS DE XEITO REITERADO POLOS POPULARES
* Balseiro subliña o “trato exquisito” da directora do centro que acompañou en todo momento no seu percorrido á comitiva formada por Jose Manuel Balseiro, Mariña Gueimunde y Jose González Barcia.
A Mariña, 13 de febreiro de 2009.- Jose Manuel Balseiro Orol, na súa condición de deputado do Parlamento de Galicia, visitou na mañá de hoxe as instalacións da residencia para persoas maiores de Burela e puido comprobar que persisten as deficiencias denunciadas de xeito reiterado polos populares. Balseiro subliña o “trato exquisito” da directora do centro que acompañou en todo momento no seu percorrido á comitiva formada por Jose Manuel Balseiro, Mariña Gueimunde y Jose González Barcia
INEFICAZ REFORMA CUN CUSTE DUN MILLÓN DE EUROS
Despois de que a Vicepresidencia da Xunta de Galicia tivera investido preto dun millón de euros nas obras de reforma deste centro as instalacións non cumpren os parámetros de ergonomía e funcionabilidade que deberá ter unha infraestrutura destas características destinada á atención xeriátrica e de persoas dependentes.
INMENSA ESTAFA DA POLÍTICA DO BENESTAR DA XUNTA
A multitude de eivas observadas fan tamén inviable que a residencia poida albergar a persoas dependentes ou con importantes dificultades de mobilidade. Non se está a cumprir, en consecuencia, o anunciado polo nacionalista Anxo Quintana, titular da Vicepresidencia da Xunta de Galicia, quen en abril de 2007 deu por feito que a residencia disporía de prazas para 89 persoas dependentes e 25 máis no novo centro de día. Segundo Balseiro a situación deste centro é un magnífico exemplo da “inmensa estafa” que constitúe a política social e de benestar desenvolvida polo BNG na Xunta
RELACIÓN DE EIVAS
Balseiro comprobou que non existen ramplas que poidan ser empregadas por persoas con mobilidade reducida ou en caso de evacuación, que tan só se dispoñen de dous ascensores para unha ocupación máxima posible de 114 residentes máis o persoal, que estes elevadores non dispoñen das dimensións suficientes para que neles entren padiolas un camas articuladas. O deputado tamén puido comprobar que as habitacións dos residentes non teñen portas, o que reduce a súa privacidade e as dimensións non son as máis axeitadas para o acceso con mobiliario camas.
Non son suficientes os asesos xeriátricos dispostos nas plantas para o número de residentes e non se corrixiu axeitadamente as deficiencias no grupo auxiliar electróxeno que mantería a luz no centro en caso de interrupción do subministro eléctrico externo.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
