NOTA DE PRENSA
Sinala que os actuais responsables da Xunta non souberon estar ao carón e apoiar ao sector pesqueiro galego en tempo de crise e alerta ante a perda de influencia da nosa flota en Europa polo seguidismo que se está a facer da estratexia pesqueira marcada desde Madrid
BALSEIRO ASEGURA QUE A PESCA PERMANECE EN “ESTADO COMA” DESPOIS DE CATRO ANOS DE MALA XESTIÓN DA SOCIALISTA CARMEN GALLEGO
• Coa creación da macroconsellería do Mar o futuro Goberno presidido por Alberto Nuñez Feijóo situará á pesca no nivel que lle corresponde como actividade económica estratéxica para Galicia.
• A falta de execución dos plan de desenvolvemento pesqueiro privou aos portos da Mariña lucense e do resto de Galicia de dotacións e infraestruturas básicas para o seu futuro.
• O mantemento dos prezos do peixe en primeira venda a niveis de fai 20 anos, a competencia desleal que supoñen as importacións incontroladas de peixe foráneo e a falta de tripulación son problemas fronte aos que a Xunta permaneceu de brazos cruzados.
A Mariña, 07 de febreiro de 2009.- O candidato mariñán do Partido Popular de Galicia pola provincia de Lugo, Jose Manuel Balseiro Orol, asegurou que o sector pesqueiro permanece en estado de coma como consecuencia da mala xestión da socialista Carmen Gallego que, no actual Goberno da Xunta vén exercendo as responsabilidades de asuntos marítimos. De feito, segundo o dirixente popular coa política seguida ata o momento polo Executivo de Touriño e de Quintana se está a provocar un grave prexuízo a moitas familias e a desincentivar a aqueles que teñen na actualidade a pesca e o marisqueo como a súa principal fonte de ingresos ou o como o seu emprego de futuro.
Jose Manuel Balseiro Orol fai un balance da política pesqueira seguida ata o momento desde a Xunta despois de que no día de onte na Mariña lucense o Partido Socialista celebrara un acto pre-electoral centrado neste ámbito e no que se pretendeu render contas ante un sector asfixiado pola falta de xestión da Xunta.
AUSENCIA DA XUNTA ANTE A CRISE DO SECTOR
Fundamenta a súa postura en varios aspectos: Nun primeiro termo, José Manuel Balseiro subliñou que a lentitude no abono de moitas axudas está a tirar por terra a aposta polo futuro do sector pesqueiro como actividade económica estratéxica para Galicia. Asegura que tanto as confrarías de pescadores como as principais empresas pesqueiras non contan coa Xunta como aliada na actual situación de crise, nin tampouco cando o excesivo aumento do prezo do combustible convertía en non rendible a actividade extractiva.
FALTA DE EXECUCIÓN DOS PLANS DE PORTOS
Neste ámbito salienta tamén, o inexacto das afirmacións efectuadas por Carmen Gallego que, no día de onte, afirmou que a Consellería que dirixe investiu preto de 70 millóns de euros na Mariña lucense. A falta de desenvolvemento dos plans de portos, iniciados polo PPdeG privou aos peiraos da nosa comarca de dispoñer de novas infraestruturas e dotacións capaces de favorecer a actividade da pesca artesanal e de baixura. Xunto a iso a incapacidade do Goberno galego de defender á nosa flota nas negociacións no seo da Unión Europea, diminuíu as expectativas de futuro, situación que coñecen ben na nosa comarca onde están dous dos portos pesqueiros máis importantes de Galicia: Burela e Celeiro.
A XUNTA DE BRAZOS CRUZADOS
Balseiro entende que nestes catro anos a socialista Carmen Gallego permaneceu de brazos cruzados para poñer freo a dous dos problemas máis graves que están a sufrir os axentes do sector pesqueiro tanto da altura e gran altura como no caso dos pescadores das nosas rías: o mantemento dos prezos do peixe en primeira venda en niveles similares a fai vinte anos –sen que esta precariedade que afecta ao primeiro eslavón da cadea teña reflexo no prezo final que paga o consumidor- e a entrada masiva de peixe foráneo, de menor calidade que o galego pero que constitúe unha competencia desleal inaceptable, non poden combaterse sen o apoio e o compromiso da administración autonómica.
MENOS TRIPULACIÓNS, SEN RELEVO XERACIONAL, SEN A FORMACIÓN AXEITADA
Asimesmo, o voceiro popular asegurou que a actual titular de Pesca na Xunta non fixo nada para promover unha mellor regulación laboral do sector, con máis protección social que favoreza o relevo xeracional, así como tampouco se impulsaron melloras das condicións laborais e de seguridade dos traballadores. Ambos factores dificultan tamén a posibilidade de completar as tripulacións para as embarcacións e dificulta a disponibilidade de mano de obra. A todo iso debeselle engadir o obsoleto do sistema de formación dos titulados náutico-pesqueiros, un ámbito no que a Xunta debería liderar as presións ante o Goberno central para que procedan á súa reforma.
FURTIVISMO INCONTROLADO
Por outra banda, con Carmen Gallego como máxima responsable da Pesca en Galicia non se soubo aproveitar a gran potencionalidade do persoal e os medios existentes en materia de protección dos recursos. De feito, os traballadores do Servizo de Gardacostas víronse impedidos á hora de loitar contra o furtivismo, que afectou tamén dun xeito especial á Mariña lucense. O Goberno galego actual non soubo xestionar un servizo no que os seus traballadores pasaban máis tempo coas súas lanchas amarradas que empregándoas para facer os seus labores. A Xunta tampouco foi quen de corrixir as deficiencias que se detectaron nos medios de salvamento, como os helicópteros Pesca 1 e Pesca 2, contribuíndo a súa precariedade.
PERDA DE PESO EN EUROPA
En definitiva PPdeG as actuacións da consellería de Pesca e Asuntos Marítimos caracterizáronse ao longo desta lexislatura pola ausencia total de iniciativas e o seguidismo da política do Goberno central por riba dos intereses do sector pesqueiro galego. A política de submisión da Xunta das directrices de Ferraz fan que ante Europa o Executivo autonómico non sexa quen de defender os intereses do sector galego. Así o amosan as malas decisións sobre a parada biolóxica da anchoa, a pescada, ou tamén, para a recuperación dos bancos marisqueiros. Parece evidente, que a nosa flota perdeu peso en Europa e que Galicia non foi a prioridade da política pesqueira que desenvolve o Goberno de Zapatero e á que se prega submiso o Executivo de Touriño e de Quintana.
CON FEIJÓO MARCRO CONSELLERÍA DO MAR
Jose Manuel Balseiro Orol que durante a lexislatura que remata exerceu no Parlamento de Galicia as funcións de voceiro de Pesca e Asuntos Marítimos do PPdeG sinala a Carmen Gallego como a primeira responsable desta situación e reclama un cambio de modelo e de xestión. Neste senso subliña que a intención de Alberto Nuñez Feijóo candidato popular de unificar todas as competencias que afecten a este sector na futura macroconsellería do Mar permitirá situar as políticas pesqueiras no nivel que lles corresponde, isto é como actividade estratéxica da que dependen máis de 35.000 persoas e centos de miles de familias galegas. Garantir o futuro dos sectores de pesca, do marisqueo e da acuicultura en Galicia debe ser, unha política prioritaria daqueles que aspiren a liderar o Goberno autonómico –conclúe Balseiro Orol.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
