NOTA DE PRENSA:
Os populares denuncian que se están a producir deficiencias como que as embarcacións carecen da tripulación mínima, están a ser patroneadas por persoal non funcionario ou por persoas que non dispoñen da titulación esixida
O PPDEG ASEGURA QUE A XUNTA FOMENTA GRAVES IRREGULARIDADES NO FUNCIONAMENTO DAS LANCHAS DO SERVIZO DE SALVAMENTO
* Segundo o voceiro de Pesca do PPdeG José Manuel Balseiro a gran maioría das embarcacións do Servizo de Gardacostas permanecen amarradas a porto dende outubro do 2006 e “as poucas que están operativas ou ben presentan deficiencias mecánicas, ou ben están a traballar con graves irregularidades nas súas dotacións”
Santiago 4 de febreiro de 2009.- O voceiro para asuntos de Pesca do PPdeG, José Manuel Balseiro, asegurou que a Xunta de Galicia -a través da Consellería de Pesca- está a permitir “de xeito flagrante” unha serie de irregularidades no funcionamento das lanchas do Servizo de Gardacostas de Galicia. Balseiro asegurou que “o descontrol” que existe actualmente nas augas galegas reflicte “o ilimitado grao de incompetencia” da conselleira en funcións Carme Gallego “e de todo o equipo que estivo ao fronte da Xunta nos últimos catro anos”.
Entre os exemplos “de desgoberno” da Consellería de Pesca apuntados polo voceiro popular figura o feito de que a gran maioría das embarcacións do Servizo de Gardacostas permanezan amarradas a porto dende outubro do 2006, “e as poucas que están operativas ou ben presentan deficiencias mecánicas, ou ben están a traballar con graves irregularidades na súas dotacións”.
Neste senso asegurou que “as poucas lanchas” de Gardacostas que saen ao mar para facer as súas labores nalgúns casos están patroneadas por persoal non funcionario, noutros non levan a bordo a tripulación mínima requirida (patrón, mecánico e mariñeiro); e noutros, están a ser patroneadas por persoal que non posúe a titulación náutica esixida, ou que non superaron o oportuno proceso selectivo para estes postos “senón que están encadrados na categoría de vixiantes/mariñeiros e non nas de mandos de embarcacións, carecendo de experiencia profesional para mandar unhas embarcacións adicadas, ademais da vixilancia, ao Salvamento Marítimo” lembrou Balseiro.
“E mentres isto está a ocorrer, a señora Gallego non só non está a facer nada para subsanar esta situación coma debería de facer calquera persoa ao fronte dunha administración e que en teoría esta para velar polo cumprimento da legalidade; senón que está a permitir e fomentar de xeito flagrante esta serie de incumprimentos e irregularidades” salientou Balseiro.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
