RIBADEO (FNC) .- A presidenta da Fundación Herdeiros da Mar e escritora focense Marisol Moreda presenta en Madrid o 23 de febreiro o seu último libro O silencio da mar. O acto desenvolverase na sede da UXT do Mar (situada na Federación de Transportes) Av. de América nº 25 de Madrid, sala 717, planta 7. ás 12:00 horas.
Trátase dun libro que “é o resumo de varias historias reais, que respectando o anonimato dos personaxes, son parte dos casos que chegan á Fundación Herdeiros da Mar, onde se recollen dez anos de coñecemento e axudas á xente mariñeira e nos que se sucederon as alegrías e as penas, nos que se sumaron a momentos de esperanza outros de desilusión. Por isto o mesmo contido do libro é agridoce. É unha mostra, unha realidade clara, sen concesións ao politicamente correcto. É concienciar ao lector sen fantasías edulcoradas”, explica a autora.
Marisol Moreda comenta que “o mar e as súas xentes inspiraron ao longo da historia da literatura infinidade de relatos románticos ou heroicos, pero neste libro trátase o cotián, xa que logo si con pasaxes románticas e heroicos, pero tamén con outros amargos e tristes. Queda recollida parte da actividade que realizamos e é o relato dun esforzo ás veces, con desesperanza e cansazo, ata propio”. A escritora focense di que lle gustado escribilo “porque o entendo como un xeito de dar a coñecer esa realidade e que as institucións poidan entendelo así para manter todos os esforzos na defensa da dignidade deses traballadores e das familias mariñeiras. A Fundación Herdeiros da Mar, na súa década de actividade acumulou moitos datos e algúns os edita hoxe de forma sinxela a propia Fundación, porque quixemos que vise a luz nun momento político e social en que tanto se xoga a sociedade, especialmente aquela parte de quen procede e a quen vai dirixido este texto. Todos temos dereito a saber de como faleceu o noso pai, ou como vive unha muller que recolle o percebe das rocas, extraéndoo de alí por uns poucos céntimos e xogándose a vida. Ou como vive un mariñeiro a súa pesca en Somalia ante o medo aos piratas”. A presidenta da Fundación Herdeiros da Mar espera que “as realidades recollidas neste volume, a súa humanidade, sexan merecedoras de mellores e máis altas metas e para iso estamos realizando xestións para obter canles de difusión que fagan chegar ao maior número de persoas posibles esta publicación”.
Condicións laborais
Marisol Moreda aproveita a ocasión para recordar que “os mariñeiros seguen, a pesar das miles de firmas recollidas por esta Fundación tal e como expuxemos en Madrid en decembro de 2008, coas mesmas condicións de venda do peixe en lonxa, salarios, e demandas pendentes de compensacións económicas similares ás doutros sectores de actividade como o agrícola (PER, plan de emprego rural). Os nosos mariñeiros realizan o seu traballo nunhas condicións cando menos revisables, dispón duns mecanismos de defensa moi débiles cando están na distancia? e á hora da xubilación a súa calidade de vida empeora debido ao ritmo ao que estiveron realizando o seu traballo por fatígaa e falta de descanso no mesmo”.
No Silencio del Mar recóllense casos que “demostran a insuficiencia das pensións que perciben os mariñeiros e que lles impide en ocasións, poder pagar cousas tan básicas como a luz ou a auga, ou custearse viaxes necesarias a hospitais galegos para recibir os tratamentos pertinentes. Nárranse outros casos cheos de forza no que o que un se enfronta ás dificultades. É un libro social que ben podería formar parte dunha serie de TV ou incluírse nos catálogos das grandes editoriais. Experiencias narradas que impulsan unha reflexión colectiva sobre a precariedade socioeconómica e laboral na que viven estes profesionais. A realidade ás veces supera a ficción”, segue relatando a autora.
Marisol Moreda avoga tamén por intensificar e mellorar o control das importacións de peixe que chegan a España procedentes de países asiáticos e africanos “queremos que se comprobe que reúnen as condicións hixiénico- sanitarias que se esixen tamén aos produtos que se pescan nos nosos mares ou que chegan desde outros puntos da UE”.
Segue o apoio ao sector
Marisol Moreda asegura que “seguiremos apoiándonos nas firmas recollidas para reclamar que os mariñeiros teñan as mesmas condicións de traballo que outros sectores. Mentres, na Fundación Herdeiros da Mar seguimos prestando axudas. Non temos subvención algunha das administracións pero non deixamos ás nosas xentes do mar no esquecemento en tempos difíciles e custosos para nós mesmos”.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
