RIBADEO / MONDOÑEDO .- (FNC) Mondoñedo e Ribadeo acollerán a partires de mañá o congreso O Camiño de Santiago para o século XXI. O Camiño do Norte. No evento vanse intercambiar puntos de vista, ideas e proxectos relacionados co presente e co futuro desta ruta xacobea, unha das que proporcionalmente máis medrou nos últimos anos. No congreso que organiza a Consellería de Innovación e Industria participarán especialistas, amigos do Camiño e representantes de distintas administracións.
O 19 de febreiro celébrase a primeira sesión en Mondoñedo. Denomínase O Camiño para o peregrino, dará comenzo coa conferencia inaugural ás 11:45 horas e rematará cun concertó na Catedral ás 20:00 horas.
O 20 de febreiro están prevista a segunda e a terceira sesións deste congreso en Ribadeo que versarán sobre O patrimonio cultural e ambiental e O Turismo. Xa o sábado 21 de febreiro en Ribadeo presentaranse un informe sobre o estado do Camiño do Sueste en Galicia e unha película de animación para escolares sobre o Camiño do Norte e ademáis haberá unha mesa redonda sobre O Códice Calixtino en galego. O galego do Códice Calixtino.
O congreso rematará o 4 de marzo cunha visita de estudo ao Camiño do Norte. Os participantes sairán en barco desde o peirao de Ribadeo, cara a Figueras (Castropol) dirixiránse a Vegadeo-Abres-Trabada e visitarán despois as igrexas da Ponte (Arante) e de Vilanova de Lourenzá, a Catedral de Mondoñedo e a Basílica-Catedral de San Martiño de Mondoñedo (Foz).
Exposición en Ribadeo
Como actividade paralela desenvolveráse unha exposición fotográfica O Camiño do Norte. Desde Saint Jean de Luz a Santiago, que se poderá ver no Parque San Francisco de Ribadeo desde o 20 de febreiro ata o 22 de marzo.
O evento está organizado pola Consellería de Innovación e Industria a través da Dirección Xeral de Turismo e a S.A de Xestión do Plan Xacobeo e colaboran a Universidade de Santiago, os Concellos de Mondoñedo e Ribadeo e o Centro de Desenvolvemento Comarcal da Mariña Central.
ÚLTIMA HORA
- Foz repartirá 3.000 lentes homologadas para ver o eclipse solar do 12 de agosto
- O PP esixe explicacións ao goberno de Vilalba sobre a ausencia de efectivos da Policía Local durante o día
- O Pleno ordinario do Concello de Viveiro celebrarase este martes
- Fernando Kanacri conquista de novo o Torneo de Tenis Concello de Burela
- O Pleno ordinario do Concello de Viveiro celebrarase este martes
A convocatoria está fixada para as 19.30 horas no salón de sesións da Casa Consistorial. Un dos puntos da orde do día inclúe a proposta para designar as festividades locais de 2027. Tamén se presentarán dous expedientes de recoñecemento extraxudicial de crédito. Ademais, a corporación someterá a aprobación as actas das sesións celebradas os días 8 e 15 de xullo. A orde do día completarase coa parte de control, na que se dará conta das resolucións da Alcaldía e se abrirá a quenda de rogos e preguntas. - O pasado sábado, 1 de agosto, 22 mozas e mozos de Xove de entre 12 e 16 anos desprazáronse ao Aquapark de Cerceda
Estiveron acompañados polas técnicas de xuventude Mónica López Sanjurjo e Silvia Rodríguez Barreiro, para gozar das diferentes piscinas e tobogáns deste parque acuático. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa Verán a Tope en Xove 2026. - Seis pintores do Valadouro é a nova publicación do SEVA, un caderno dedicado á obra de seis artistas plásticos: Carmen Ossorio, Xosé Blanco, Arturo Mogo, Hipólito Xeada, Alaxe e Mar Vicente
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro. - O Deputado de Medio Ambiente, Carlos López, participou este domingo no Campo da Festa de San Pedro de Mor, en Alfoz, no 60 aniversario da Festa dos Choferes, unha cita que conta cunha achega económica da institución provincial de algo máis de 9.000€
O evento, organizado pola Asociación Cultural Xuvenil O Castelo reuniu a numerosos veciños e visitantes e celebrouse durante catro días. A programación incluíu actuacións musicais, actos relixiosos, xogos tradicionais e unha comitiva da camións, coches e motocicletas que percorreron todas as parroquias deste concello mariñán. - O delegado territorial da Xunta en Lugo, Alfonso Villares, participou este sábado na Festa do Percebe de Rinlo
Villares destacou que a Administración autonómica reafirma o seu compromiso con esta cita, adicada a enxalzar a calidade deste produto do mar e a poñer en valor o esforzo dos profesionais do sector. Así mesmo, subliñou a importancia das festas gastronómicas na promoción turística e na dinamización económica da zona. - O incendio forestal rexistrado no concello de Ourol, parroquia de Merille, quedou extinguido ás 19,49 horas deste venres
Este lume comezou o pasado mércores ás 13,35 horas e afectou finalmente unha superficie de 31,5 hectáreas de monte arborado. Para a súa extinción mobilizáronse, en total, 2 técnicos, 13 axentes, 27 brigadas, 24 motobombas, 3 pas, 3 helicópteros e 2 avións. - Con motivo da celebración da Feira de Bonito e Produart, este venres o programa Voces de Verano estivo presente en Burela
Félix Jorquera pasou polos micrófonos de RadioVoz no Barco Museo Boniteiro Virxe do Carme ao concelleiro de Mar, Ramiro Fernández; á presidenta de Ledicia (entidade organizadora), Rocío Rivera; ao presidente da Fedaración estatal de confraría de pescadores, Basilio Otero; ao xerente de Expomar, José Manuel González; ao membro de Fanto Fantini (entidade organizadora do Festival Osa do Mar), Diego Campo; á pregoeira Paula Jorge Hora; ao cociñeiro Bruno Pena e á alcaldesa e Presidenta da Deputación, Carmela López.
2021 Crónica 3 A Mariña - Implementado por GaliciaDigital