NOTA DE PRENSA:
O PP REPLICA A ESTUA E AFIRMA QUE SE FORA POLA ADMINISTRACIÓN DO BNG O PUNTO DE ATENCIÓN Á INFANCIA DE CERVO HOUBERA PECHADO
* Os populares reafirman o seu compromiso coa gratuidade deste servizo de gran importancia para garantir a atención e coidado dos nenos de 7 meses a 3 anos e como recurso para facilitar a vida laboral e familiar.
* Segundo o PP as políticas sociais do BNG xa resultaron xulgadas polos galegos e polos cervenses co pasado resultado electoral que arroxou unha contundente derrota das forzas do bipartito.
Cervo, 25 de marzo de 2009.- Os populares cervenses veñen a saír ao paso das declaracións efectuadas polo único concelleiro nacionalista local, Xoan Antón Estúa, quen, no día de hoxe, afirmou que o funcionamento deste servizo é consecuencia das axudas que recibe por parte da Xunta e da Deputación Provincial. Desde o PP negan que isto sexa certo e afirman que se fora polas administracións do BNG o Punto de Atención á infancia de Cervo houbera pechado.
“Se hoxe as familias do noso municipio dispoñen dun servizo destas características, que ten por obxecto garantir a atención e coidado dos nenos de 7 meses a 3 anos -nos estadíos previos a súa incorporación ao colexio- e que constitúe un recurso moi positivo para colaborar na difícil tarefa de conciliar a vida laboral e familiar, e grazas a que no 2002 o Goberno municipal do Partido Popular o creou, como mostra do seu compromiso coa mellora dos servizos públicos municipais”.-replican os populares.
Pola contra, desde que BNG e PSOE accederon ao Goberno de Galicia as axudas que outorga a administración autonómica para o mantemento do PAI veñen reducíndose paulatinamente. No ano 2003 a Xunta achegou 60.380,24 euros en axudas para este servizo mentres que no 2007, a Vicepresidencia da Xunta de Galicia destinou tan só 14.000 euros. Esta progresiva redución de axudas, desenvolvida polas administracións do BNG tiñan un dobre obxectivo: asfixiar económicamente ao Concello de Cervo para evitar que mantivera a continuidade do PAI e, nun segundo lugar, chataxear ao Concello para que se sumara ao Consorcio Galego de Benestar, algo ao que nos negamos porque crear unha galescola era aceptar que se primara o adoctrinamento nacionalista por enriba dos intereses educativos.
RECTIFICACIÓN DO BNG
Afortudamente o BNG non tivo máis remedio que rectificar, ante a presión social e as queixas das familias usuarias e do propio Concello, e mudou a súa política de boicot contra o funcionamento do PAI. Grazas a esta rectificación, e sumando os novos recursos dispoñibles o servizo segue a ser gratuíto. De feito, o Partido Popular entende que debe continuar sendo así. “Tendo en conta os tempos que corren, é unha fórmula moi útil que empregar o PAI non teña ningún custe para as familias usuarias. E proba do éxito deste proceder é que están completas as 20 prazas de mañá e 20 prazas de tarde que hoxe ofertamos neste servizo”
POLÍTICA SOCIAL XULGADA
Finalmente, os populares cervenses entenden que a política social desenvolvida polo BNG, “que tanto parece encher de orgullo ao concelleiro nacionalista”, xa foi xulgada. “Como tamén foi xulgada a maléfica estratexia do BNG caracterizada por xestionar os servizos de benestar dun xeito clientelar, coacionando á xente e aos concellos e despilfarrando recursos en propaganda. Os veciños e veciñas botáronnos do Goberno e fixeron que en Cervo perderan máis dun centenar de votos respecto dos resultados acadados polo BNG no 2005”
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
