A MARIÑA .- “Dálle a volta”, a iniciativa do Observatorio da Mariña pola Igualdade, que pretende concienciar ós mozos e mozas da necesidade de rachar cos estereotipos machistas para poder camiñar cara á igualdade de xénero, desenvolverase nos IES de Burela, Foz, San Cibrao e Ferreira durante o mes de abril.
NOTA DE PRENSA
OS INSTITUTOS DA MARIÑA “DANLLE A VOLTA” ÓS ROLES DE XÉNERO
Durante o mes de abril a campaña “Dálle a volta” desenvolverase nos IES de Burela, Foz, San Cibrao e Ferreira
A boa acollida que está a ter esta iniciativa, promovida polo Observatorio da Mariña pola Igualdade e financiada pola Secretaría Xeral de Igualdade da Xunta, reflíctese no interese amosado por seis institutos da Mariña en difundila dentro das súas aulas no seu primeiro mes de posta en marcha.
Logo da súa presentación, o pasado 13 de marzo, no IES San Rosendo de Mondoñedo e do seu paso pola Pontenova, o 3 de abril, durante este mes de abril as vindeiras visitas serán a:
-IES Monte Castelo de Burela, o día 14 de abril
-IES de Foz, 15 de abril
-IES San Cibrao (Cervo) 17 de abril
-IES Ferreira, 23 de abril.
A campaña prolongarase durante os meses de maio e xuño ata o final do curso académico.
“Dálle a volta” pretende concienciar ós mozos e mozas da necesidade de rachar cos estereotipos machistas para poder camiñar cara á igualdade de xénero.
Preséntaselles o concepto de feminismo coma unha das ferramentas para transforma-la sociedade e que nada ten que ver con aqueles falsos mitos que o vencellaban ás ansias de superioridade das mulleres.
Nesta iniciativa, o labor da súa responsable, Carolina García, é que o alumnado reflexione sobre as imposicións que existen na sociedade e que están a impedir que homes e mulleres non teñan as mesmas oportunidades por pertencer a sexos distintos.
A forma de traballar cos alumnos e alumnas é a través da entrega e crítica duns dípticos de sensibilización e doutro material informativo sobre o Observatorio da Mariña pola Igualdade.
Ó profesorado entrégaselles un enquisa para medir o grao de valoración sobre o principio de coeducación e de igualdade no ámbito escolar.
Será na Igrexa de Santa María ás 20:30 h. Debido ao aforo limitado e ao cumprimento da normativa vixente, editaranse entradas que se repartirán no acceso da igrexa o propio día do concerto, onde tamén se realizará o control de acceso.
Será un concerto acústico e intimista, pensado para gozar da súa música nun formato próximo. Entrada libre ata completar aforo.
As deputadas do PP lucense no Parlamento galego, Raquel Arias e Nicole Grueira, e a alcaldesa de Cervo, Dolores García, mantiveron na localidade un encontro con mulleres vinculadas ao sector do mar co obxectivo de visibilizar e poñer en valor o seu papel fundamental na economía mariñeira e na vida das vilas costeiras. A reunión serviu como espazo de diálogo e recoñecemento ao traballo que durante anos desenvolveron mariscadoras, redeiras e outras profesionais do sector. As populares manifestaron a súa defensa da igualdade e aseguraron que “sen as mulleres o sector do mar non se atende”.
Será na Explanada do Círculo Habanero, en carpa climatizada. Programa: 13:30: Sesión vermú con Dúo Puma. 14:30: Xantar (fabada, costela con patacas, sobremesa, café e bebida). Prezos: Socios 20 €. Non socios 30 €. Nenos 6–12: 15 €. Menores de 6 anos: gratis. Entradas: domingos 15 e 22 de marzo, de 11:30 a 13:30 no Local Social. Contacto: 682 06 57 07
A feira instalarase na Praza da Constitución e contará con showcookings, catas, música en directo e actividades para todos os públicos. O sábado haberá demostración culinaria con Marcos Pereiro, sesión vermú, talleres infantís e concertos de 9Louro e Mondra. O domingo incluirá showcooking de Miguel Mosteiro, novas catas e a tradicional sesión de baile no Centro Cultural.
Ás 12:00 h, no Parque Ramón de Campoamor, terá lugar o acto institucional de homenaxe. Pola tarde, no Casino de Navia, haberá actividades abertas ao público: 18:00 h – Recital “Poesía que nos une escondida entre renglones”. 19:00 h – Encontro coa escritora Matilde Suárez, Premio “Ría del Eo”. A alcaldesa, Ana Fernández, destacou o compromiso de Navia por recuperar e poñer en valor o legado do poeta e consolidar o concello como referente cultural.
A actividade conta coa colaboración do Concello.
