A alcaldesa Marta Rouco e o concelleiro Luis Fernández visitaron a zona tras rematar unha actuación que completa a mellora desta vía urbana
Vilalba, 16 de marzo de 2026. O Concello de Vilalba vén de rematar as obras de renovación da rúa do Rego, unha actuación que permite completar a mellora desta vía urbana tras a intervención realizada previamente no seu primeiro tramo, no acceso desde o cruce coa rúa Plácido Peña.
A alcaldesa de Vilalba, Marta Rouco, e o concelleiro de Infraestruturas Urbanas, Luis Fernández, visitaron hoxe a zona para comprobar o resultado dos traballos unha vez finalizados.
“Con esta actuación damos continuidade ao traballo iniciado neste ámbito e completamos a renovación dunha rúa que precisaba unha mellora importante para garantir maior seguridade e comodidade no seu uso diario”, sinalou a alcaldesa durante a visita.
A intervención centrouse no segundo tramo da rúa do Rego, desde a altura do número 2 ata o final da vía, cun investimento superior aos 47.000 euros. Os traballos incluíron a retirada do pavimento e das beirarrúas existentes para executar unha nova superficie cunha plataforma única de formigón lavado, nunha área aproximada de 430 metros cadrados.
Neste sentido, Marta Rouco destacou que “este tipo de actuacións buscan non só renovar o pavimento, senón tamén adaptar as rúas a un modelo urbano máis cómodo e accesible para a veciñanza”.
Ademais da nova pavimentación, o proxecto incorporou a instalación dun sistema de recollida e condución das augas pluviais, unha mellora que contribuirá a aumentar a funcionalidade e a durabilidade da vía.
A alcaldesa lembrou tamén que esta actuación forma parte do convenio impulsado desde a Alcaldía coa Deputación de Lugo, que permitiu mobilizar máis de 260.000 euros en investimentos no municipio. “A colaboración entre administracións é fundamental para seguir executando obras que melloran o día a día da veciñanza e contribúen a transformar os espazos públicos da nosa vila”, afirmou.
Nos próximos meses está prevista a instalación de nova iluminación LED e a incorporación de zonas de descanso, completando así a transformación desta vía.
Rouco subliñou que “seguimos traballando para mellorar progresivamente as rúas e os espazos públicos de Vilalba, porque cada actuación contribúe a facer unha vila máis cómoda e agradable para vivir”.
A renovación da rúa do Rego súmase ás diferentes intervencións que o Concello está a desenvolver en distintos puntos do municipio co obxectivo de continuar avanzando na mellora das infraestruturas urbanas e da calidade dos espazos públicos.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
