CERVO .-A Delegación de Deportes do Concello de Cervo, que dirixe a popular Yolanda Pedreira, organizou un variado programa de actividades con ocasión do peche da segunda tempada das Escolas Deportivas Municipais (EDM) na que participaron uns 200 rapaces e adultos.
NOTA DE PRENSA
Preto de 200 rapaces e adultos participaron nas EDM unha iniciativa posta en marcha polo Goberno que dirixe Alfonso Villares e que celebra xa o seu segundo ano de existencia, envorcada na promoción do deporte e da saúde no municipio.
CERVO PECHA A TEMPORADA DAS ESCOLAS DEPORTIVAS MUNICIPAIS CUN VARIADO PROGRAMA DE ACTIVIDADES
• A xornada de clausura, que terá lugar hoxe venres 29 de maio, comezará ás 18.30 horas no pavillón de Cervo con varias actividades deportivas e rematará, ás 21.30 horas nese mesmo lugar, coa presentación da revista oficial das Escolas e un visionado fotográfico.
• O programa inclúe xogos inchables para os máis pequenos, enfrontamentos de fútbol sala e baloncesto (3×3, 2×2, 1×1) e unha exhibición das distintas actividades.
Cervo, 29 de maio de 2009.- A Delegación de Deportes do Concello de Cervo, que dirixe a edil do Partido Popular Yolanda Pedreira, organizou un variado programa de actividades con ocasión do peche da segunda tempada das Escolas Deportivas Municipais (EDM). A cita terá lugar este venres 29 de maio a partir das 18.30 horas no pavillón do Colexio de Cervo.
XOGOS E EXHIBICIÓNS
Segundo o programa previsto para a xornada de peche de temporada, rapaces e adultos das escolas poderán participar en distintas actividades como xogos de fútbol e baloncesto (3×3, 2×2, 1×1,)… etc. Para os máis pequenos habilitaranse xogos nos inchables. Despois, ás 20.00 horas terá lugar unha exhibición a cargo dos alumnos das clases de ximnasia de mantemento, aeróbic adultos e ás 20.30 de patinaxe artístico
REVISTA OFICIAL E PETISCADA
Finalmente, ás 21.30 horas celebrarase o acto oficial de clausura, presidido polo Alcalde Alfonso Villares, e no que se presentará e fará entrega da revista oficial das Escolas Deportivas Municipais, xunto a un visionado fotográfico das distintas actividades. O acto rematará cunha petiscada na que poderán participar todos os alumnos e familiares das EDM.
NOVO SERVIZO, COMPROMISO CO DEPORTE
As Escolas Deportivas Municipais poñerán fin a súa segunda tempada, durante a que teñen participado preto de 200 rapaces e adultos nas súas distintas clases. Trátase dun novo servizo, impulsado desde o Goberno municipal que preside Alfonso Villares e dirixido ao fomento do deporte. O número de participantes acadado, o desenvolvemento das distintas actividades, e a resposta satisfactoria dos alumnos, permite concluír con éxito o segundo ano de existencia das Escolas.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
