RIBADEO (FNC) .- O alcalde de Ribadeo, Fernando Suárez, convoca para o luns 1 de xuño ás 20:00 horas unha xuntanza á que convida a todos os veciños que queiran colaborar na organización das festas patronais deste ano.
O encontro terá por escenario o salón de pleno da Casa do Concello de Ribadeo.
O voceiro da comisión de festas do 2008, Alberto Moledo, sinala que “tivemos hai uns días un encontro co rexedor de Ribadeo para ir planificando as festas deste ano e presentámoslle as contas da pasada edición e temos que estar moi satisfeitos polas aportacións económicas de diferentes sectores do Concello de Ribadeo porque rematamos con balance positivo”.
Moledo engade que “quedamos en ter un novo encontro este luns para planificar as patronais deste 2009 e un pouco é para invitar a aqueles persoas que queiran participar na organización. Temos coñecemento de que hai xente interesada en encargarse destes traballos e convidámolos a que acudan a esta xuntanza do luns co alcalde. E nós estamos dispostos a deixar o testigo ás persoas interesadas de organizar as festas ofrecéndolles a nosa colaboración porque en definitiva quen gaña con todo isto é o pobo de Ribadeo”.
O alcalde de Ribadeo convida os veciños a unha xuntanza para planificar as festas patronais
Relacionado
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
