VIVEIRO .- Un grupo de persoas do Consello de Maiores de Labrada, no Concello de Guitiriz viaxa o mércores ata A Mariña, en concreto, ó Concello de Viveiro, para pasear pola praia de Covas, visitar a lonxa e o porto de Celeiro e subir ó Alto de San Roque.
Nota de Prensa
Un grupo de nenos de Monforte de 4 e 5 anos coñecerán Avifauna grazas a Km0
Veciños de Gutiriz tamén viaxarán á Ribeira Sacra e A Mariña dentro desta iniciativa da Deputación
O programa de visitas Km0 contará esta semana cos participantes máis novos desde que a Deputación puxo un marcha esta iniciativa: un grupo de nenos de 4 e 5 anos, que coñecerán Avifauna. Ademais, dous grupos de veciños de Guitiriz viaxarán á Ribeira Sacra e á Mariña, que seguen a ser os destinos máis demandados deste programa.
A Deputada de Economía, Regina Polín, recibiu este martes no Pazo de San Marcos a un grupo de 36 membros da Asociación de Pensionistas de Campo da Feira de Guitiriz ós que lles explicou a finalidade deste programa, co que se pretende dar a coñecer ós lucenses a riqueza medioambiental e patrimonial da nosa provincia e apoiar a economía lucense. A continuación, visitaron o Mazo de Santa Comba e desprazáronse ata A Ribeira Sacra, onde fixeron una ruta a pé ata Pena do Castelo e realizaron unha travesía fluvial en catamarán.
Mañá mércores mércores participará en Km0 un grupo do Consello de Maiores de Labrada, tamén do Concello de Guitiriz. Ademais de coñecer o conxunto etnográfico do Mazo de Santa Comba, viaxará ata A Mariña, en concreto, ó Concello de Viveiro, para pasear pola praia de Covas, visitar a lonxa e o porto de Celeiro e subir ó Alto de San Roque.
Por último, o venres 12 de xuño organízase una ruta especial que contará coa participación de medio cento de nenos 4 e 5 anos, que estarán acompañados por varios profesores. Os pequenos, do centro público Caixa Galicia de Monforte, pasarán toda a mañá en Avifauna.
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este venres o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
O sábado tivo lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
