RIBADEO (FNC) .- AA praia de As Catedrais contará por primeira vez cun punto de información turística, grazas ao convenio asinado entre o Concello de Ribadeo e a Deputación Provincial de Lugo. O anuncio facíao esta mañá o rexedor, Fernando Suárez, que sinalou que “nun dos escenarios turísticos de maior renome do país como é a praia das Catedrais, alí mesmo onde ano tras ano, e cada ano máis, veñen milleiros de persoas, de visitantes, de turistas… calquera pode achegarse alí e escoitar cincuenta mil linguas e cincuenta mil culturas diferentes que veñen aquí, queremos alí mesmo dar información turística sobre esa praia, sobre o noso concello, sobre a nosa comarca, sobre o noso país, de aí que asinamos un convenio coa Deputación de Lugo por importe de preto de 27.000 euros para que no período estival teñamos alí colocado un punto de información turística atendido por persoal e para iso tamén editamos varios milleiros de folletos en catro linguas (galego, español, inglés e francés) acerca da praia das Catedrais”.
O alcalde subliña que “é a primeira vez que se edita algo específico e concreto deste areal para dar a coñecer desde o punto de vista ecolóxico, xeolóxico, da flora e da fauna toda esa zona. O convenio tamén contempla unha partida importante para reforzar a limpeza nas Catedrais, e que contribuirá a deixar todo aquelo empatenado”. Fernando Suárez engadiu que “agardamos poder repetir os galardóns que recibimos estes anos e que poidamos mellorar servizos como o de socorrismo que fagan deste areal o dos mellores servizos do mundo, porque de xeito atractivo xa o é”.
O rexedor lembrou que aínda temos deficiencias que imos tentar de solventar como o do aparcamento…temos alugado un aparcamento cercano con autorización de Costas e de Medio Ambiente, pero queremos que o goberno estatal se involucre máis para recuperar ese borde costeiro, con adquisición de parcelas para crear prazas de aparcamento xa definitivamente construidos a un lado ou outro da estrada. E que esto nos leve a evitar pedir permiso temporal durante o verán alugando prados, que está ben para saír do paso, pero necesitamos darlle un tratamento máis consolidado no futuro”.
O alcalde de Ribadeo, Fernando Suárez, e o concelleiro de Medio Ambiente, Horacio Cupeiro izaron hoxe as bandeiras azuis nas praias de Os Castros-Illas e As Catedrais. Neste areal ondea tamén a bandeira coa Q de calidade turística que lle foi concedida por primeira vez. No acto estiveron tamén representantes das asociacións de veciños de A Devesa, o presidente da Asociación de Comerciantes, Industriais e Autónomos de Ribadeo, Gervasio Cao e o presidente de ADEAC, José Palacios.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
