NOTA DE PRENSA
A falla de liquidez condena a desaparición a centos de Pemes,denuncia o BNG
A Xunta de Galiza coa súa pasividade agrava a crise na Mariña
Transcorridos tres meses da chegada do Partido Popular ao Goberno da Xunta de Galiza non é difícil concluír que estamos diante de tres meses perdidos para a Comarca da Mariña, que evidencian que esta Comarca non contan para o executivo de Feijoo e que a totalidade da proposta programática popular para A Mariña era puro mátote.
Á vista está que neste período o Partido Popular limitouse a facer oposición da xestión do anterior goberno, sen poñer enriba da mesa nin unha sola alternativa das plantexadas en campaña electoral. Neste sentido desde o BNG demandamos encarecidamente do Goberno da Xunta que se poña a gobernar e deixe de agocharse tras a propaganda, a política xestual e aparencia.
Nun momento como actual no que atravesamos unha forte crise económica que pon en perigo empregos e sitúa en risco de exclusión social a moitos conveciños nosos non podemos ter ao fronte do País a un goberno ausente.
O Partido Popular presentásenos como incompetente para facer fronte a fonda crise económica que atravesa o conxunto da economía da Mariña e que ten o seu reflexo na delicada situación do sector primario que desenvolve a súa actividade por baixo dos prezos de costo, nas dificultades que atravesan autónomos e Pemes como consecuencia do descenso do consumo e da falla de crédito por parte das entidades financeiras así como o momento crítico que vive o sector industrial e forestal. Non son de recibo declaracións como as que veñen de facer públicas os dirixentes do PP fai uns días nos que valoraban positivamente estes meses de goberno cando día si e día tamén fechan empresas e negocios na comarca e por conseguinte se perden empregos. O BNG esixe do Goberno Autonómico medidas que permitan enfrontar esta situación e neste sentido considera necesario que o Goberno Galego arbitre mecanismos que permitan achegar financianciación as empresas a través dos operadores públicos (IGAPE…) e obrigue as caixas galegas a abrir a billa do crédito senón queremos ter un outono con boa parte do noso sector productivo desmantelado.
Asemade non ten xustificación a insensibilidade en materia social do Partido Popular que non habilita mecanismos que permitan amortiguar as consecuencias da crise aos sectores sociais máis desfavorecidos, poren fai aínda máis cru a situación coas súas políticas neoliberais destinadas a desmantelar o noso raquítico estado de benestar. Non deixa de ser curioso que a súa austeridade sempre teña nome de recortes nos servicios públicos como a educación(eliminación da gratuidade de libros de texto, eliminación de prazas escolares ou recorte do servicio de comedor p.ex en Nois ou Cervo), na sanidade, ou na rede de asistencia a menores ou a terceira idade(que pasa cos centros de día en todos os Concellos da Mariña de máis de 1500 hs). Os nacionalistas galegos non imos permitir que sexan os traballadores, os pensionistas, en definitiva as persoas con menor poder adquisitivo quen paguen unha crise que non xeraron. Na mesma liña queremos denunciar as propostas do PP de conxelación salarial e desregulación do mercado de traballo como saída a crise.
O Bloque Nacionalista Galego considera que é urxente a actuación do goberno galego na Comarca a fin de osixenar,facilitando liquidez, o tecido productivo e de pór en marcha políticas que amortiguen as consecuencias da crise.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
