LUGO .-A Deputación está a ultimar un plan de prevención da gripe A que, asegura, “complementará as medidas adoptadas polas autoridades sanitarias co obxectivo de evitar o contaxio desta enfermidade tanto entre os traballadores da institución como dos visitantes”. Según explican, este plan levarase ós concellos da provincia, “dentro da política de cooperación cos municipios, a Deputación aforrará ás entidades locais, que teñen menos recursos, o custe que lle supoñería afrontar con fondos propios a posta en marcha destas medidas preventivas.
NOTA DE PRENSA
A Deputación de Lugo está a ultimar un Plan de prevención da gripe A que complementará as medidas adoptadas polas autoridades sanitarias co obxectivo de evitar o contaxio desta enfermidade tanto entre os traballadores da institución como dos visitantes. Esta iniciativa contempla a instalación de dosificadores cunha solución hidroalcólica que deberán aplicar nas mans todas as persoas que accedan ás dependencias provinciais. Ademais, entregarase a todos os empregados un protocolo de actuación con información e consellos para evitar o contaxio da enfermidade.
O organismo que preside José Ramón Gómez Besteiro tamén levará este Plan ós Concellos da provincia. Dentro da política de cooperación cos municipios, a Deputación aforrará ás Entidades Locais, que teñen menos recursos, o custe que lle supoñería afrontar con fondos propios a posta en marcha destas medidas preventivas.
Lavado de mans
Para evitar os contaxios, a principal medida contemplada no Plan da Deputación é o lavado de mans de todas as persoas que accedan ás dependencias provinciais, tanto traballadores como visitantes. Para elo, colocaranse nas entradas dos edificios dosificadores cunha solución hidroalcólica que non necesita aclarado.
Esta actuación tamén prevé que haxa dispensadores de xabón e de papel para secarse as mans en todos os aseos. Ademais, haberá un termómetro nos botiquíns dos diferentes servizos da Deputación para que os traballadores que desconfíen que teñen febre poidan controlar a temperatura e limparanse con máis frecuencia as superficies onde os virus poden permanecer horas ou días, como tiradores, pasamáns, mobles, etc.
Información para evitar contaxios
Todos os empregados da institución provincial recibirán un protocolo de actuación con información para evitar contaxiarse ou contaxiar. A principal recomendación é lavar as mas con frecuencia, xa que as pingas que se emiten ó tusir, esbirrar ou falar poden quedar nas mans, onde os virus sobreviven uns 5 minutos. Tamén deberán tapar a boca e o nariz ó tusir ou esbirrar e evitar tocar os ollos, o nariz ou a boca.
O documento que se entregará ós traballadores dará resposta ás preguntas máis frecuentes sobre o gripe A, tales como cales son os síntomas, en que periodo se pode contaxiar o virus, se a enfermidade pode ser grave nalgún caso, cales son os grupos de risco ou se é recomendable o uso de máscaras.
Vida normal
Na reunión que o pasado luns, 31 de agosto, mantivo a Ministra de Sanidade, Trinidad Jiménez, cos Conselleiros de Saúde das 17 Comunidades Autónomas, fíxose fincapé en que a nova gripe non debe alterar a vida normal da poboación.
Segundo os acordos adoptados polas autoridades sanitarias, haberá doses de bacinas para cubrir ó 60% da poboación. Os primeiros grupos de poboación bacinados serán as embarazadas, os doentes con enfermidades crónicas e persoal sanitario de de servizos esenciais (Corpos e Forzas de Seguridade do Estado, bombeiros e Protección Civil.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
