Nota de Prensa
Xa se están a licitar as obras de adecuación do hangar do helicóptero para acoller as instalacións necesarias para albergar a garda presencial do persoal necesario para voar e manter en estado operativo o aparello
A XUNTA CONFIRMA QUE NOS PRIMEIROS MESES DO 2010 O PESCA 2 DISPORÁ DE DOBRE TRIPULACIÓN O QUE GARANTE A SÚA OPERATIVIDADE OS 365 DÍAS DO ANO, AS 24 HORAS DO DÍA
• O Goberno de Feijóo destinará máis dun millón de euros na dotación dunha segunda tripulación de reforzo para o helicóptero con base en Celeiro.
• O secretario xeral do Mar confirma que non existía, no momento da chegada do novo equipo directivo, consignación orzamentaria algunha para destinar fondos a ampliación do persoal con base en Celeiro.
A Mariña, 25 de setembro de 2009.- O secretario xeral da Consellería do Mar, Francisco José Vidal-Pardo confirmou en resposta a pregunta dos deputado popular Jose Manuel Balseiro Orol que a Xunta de Galicia destinará máis dun millón de euros na dotación dunha segunda tripulación de reforzo para o helicóptero dos Gardacostas de Galicia con base en Celeiro, o Pesca 2. O devandito compromiso supón a plasmación dun compromiso electoral acadado por esta formación política nos últimos anos.
O BIPARTITO NON PREVÍA ESTE INVESTIMENTO
Tamén puido coñecerse que a Consellería do Mar xa está a licitar as obras de adecuación do hangar do helicóptero para acoller as instalacións necesarias para albergar a garda presencial do persoal necesario para voar e manter en estado operativo o aparello. O Goberno galego traballa para mellorar a calidade da prestación dun servizo que veu amosando serias carencias e deficiencias nos últimos anos. Balseiro lembrou que, malia a evidencia destas carencias, o bipartito negou unha e outra vez a posibilidade de acometer este reforzo e que incluso, destacados dirixentes do PSOE e do BNG, chegaron a defender o servizo funcionaba perfectamente e que os homes e mulleres do mar da costa norte de Lugo e da Coruña non precisaban dun servizo reforzado destas características. Balseiro amosa a súa satisfacción polo cambio de criterio do Goberno, porque co PP nas primeiras semanas do vindeiro ano, o Pesca 2 estará operativo mediante garda presencial as 24 horas do día, os 365 días ao ano, permitindo unha resposta de 10 minutos ante calquera emerxencia.
O BIPARTITO NON PREVÍA ESTE INVESTIMENTO
Por outra banda, o Goberno confirma que non existía, no momento da chegada do novo equipo directivo á Consellería do Mar, consignación orzamentaria algunha para destinar fondos a ampliación do persoal con base en Celeiro. “Era evidente –segundo Balseiro- que o bipartito boicoteaba toda posibilidade de mellora no servizo de Gardacostas de Galicia, cando esta se platexaba na nosa costa. Non podemos comprender as razóns deste desprezo”
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
