NOTA DE PRENSA
A través dunha emenda presentada polo Grupo Parlamentario Popular a unha iniciativa do BNG que pretendía a compra dun novo helicóptero sen criterios técnicos nin garantías de mellora do servizo que apoien a proposta
O PPdeG APOIA Á CREACIÓN DUNHA BASE DE SALVAMENTO MARÍTIMO NA COSTA DA MORTE CON CAPACIDADE PARA ACOLLER TODOS OS HELICÓPTEROS DE EMERXENCIA
* Os populares ratifican o seu compromiso de garantir os tempos medios de resposta nun máximo de 25 minutos en calquera punto da costa galega.
* O portavoz de Mar do Grupo Parlamentario Popular, José Manuel Balseiro, salienta na Cámara que “a proposta da Consellería de mellorar as tripulacións premitirá aforrar entre 12 e 17 minutos na resposta e chegada á zona de Fisterra e así é como se mellora a eficiencia e a rapidez e non poñendo helicópteros sen pilotos para sacarse a foto”.
Santiago, 11 de setembro de 2009.- O Partido Popular de Galicia apoiou hoxe a creación dunha base de salvamento marítimo na Costa da Morte, no lugar que determinen os técnicos, E con capacidade para acoller e dar operatividade a un dos helicópteros de emerxencias que operan en Galcia: Pesca 1, Pesca 2, Helimer ou calquera dos do 061, de xeito que se conte coas necesarias infraestruturas de apoio loxístico e mantemento en terra.
EMENDA DO PPdeG
Na Comisión de Pesca da Cámara, o Grupo Parlamentario Popular presentou unha emenda a unha iniciativa do BNG que pretendía a compra dun novo helicóptero sen criterios técnicos nin garantías de mellora do servizo que apoien a proposta. A emenda que ten por obxecto mellorar a operatividade, eficacia e eficiencia dos actuais recursos de salvamento na zona, tamén plantexa que os tempos medios de respota non superen os 25 minutos en calquera punto da costa galega, as 24 horas do día os 365 días do ano, compromiso que o PPdeG vén defendendo ao longo de todos estes anos e que forma parte das prioridades de acción dos novos responsables da Consellería do Mar.
Por outra banda os populares insistiron na necesidade de reclamar ao Goberno central a mellora e modernización das infraestruturas, equipamentos e dotacións dos servizos de salvamento marítimo que son da súa competencia.
FALLA DE CRITERIOS TÉCNICOS
O portavoz de Mar do PP no Parlamento, José Manuel Balseiro, lembrou na súa intervención que a iniciativa do Goberno bipartito de adquirir un terceiro helicóptero non tivo en conta criterios técnicos e referiuse en concreto a que o SEPLA “dicía que a compra dun terceiro helicóptero non melloraba o servizo”. O informe no que se apoiaba a proposta, engadiu o deputado popular, “non dí que haxa que comprar un helicóptero, nin qué tipo, nin sequera que teña que ir localizado en Lires”, senón que “só di que unhas leiras onde se vai construír o heliporto son aproPiadas, pero non que teñan que ser alí”.
Balseiro resaltou que a alternativa do Goberno de Núñez Feijóo baséase “no fortalecemento do servizo de emerxencia e salvamento marítimo que opera nas nosas costas”. Nos primeiros días de xestión, sinalou, “os novos responsables da Consellería do Mar xa deron conta da súa intención de reforzar as bases dos helicópteros Pesca 1 e Pesca 2, co obxecto de prestar un servizo de emerxencias permanente”, en contraste coa situación anterior, na que “os tripulantes dos helicópteros da Xunta estaban na base durante a mañá e o resto do tempo tiñan que estar localizables”. Co novo modelo, “a presenza física das tripulacións as 24 horas do día en base, sumado aos novos programas de adestramento para reducir o tempo de reacción, permitirá incrementar as horas de voo e reducir a demora na resposta das nosas aeronaves”.
O portavoz de Mar do Grupo Parlamentario Popular salientou na Cámara que “a proposta da Consellería de mellorar as tripulacións premitirá aforrar entre 12 e 17 minutos na resposta e chegada á zona de Fisterra e así é como se mellora a eficiencia e a rapidez e non poñendo helicópteros sen pilotos para sacarse a foto”. O novo Goberno “soubo aproveitar recursos e o defectuoso corsé orzamentario herdado do bipartito para garantir a eficiencia e operatividade dos medios de salvamento”, mediante “unha resposta o máis rápida e eficaz posible”.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
