NOTA DE PRENSA
O PP continuará solicitando a reforma integral das casas-cuartel da Guardia Civil.
A senadora Mariña Gueimunde dice que o cuartel de Burela debe ser unha prioridade.
Balseiro adianta que tamén pedirá ó Goberno da Xunta que se pronuncie sobre este asunto
González Barcia confía en que o alcalde se pase ó bando da defensa dos intereses de Burela.
A senadora popular Mariña Gueimunde continuará traballando para que o Goberno Central a través do Ministerio do Interior actúe sobre aqueles cuarteis da Garda Civil da provincia de Lugo que se atopan en mal estado e sufren situación de deterioro, entre eles o de Burela, e neste senso trasladará ó Senado, xunto cos seus compañeiros senadores por Lugo, as inquedanzas dos populares de Burela. Gueimunde entende que o de Burela é unha prioridade polos servicios que alberga, a sede da compañía, subsector de tráfico, revista de armas, etc., ademais de acoller a familias de membros do Corpo.
O deputado José Manuel Balseiro pola súa banda tamén indicou que levará ó Parlamento galego este asunto porque, segundo dixo, é un asunto trascendental e o Goberno da Xunta debe pronunciarse sobre elo e, sobre todo, instar ó executivo central a que solucione as deficiencias existentes.
A senadora popular, xunto con Balseiro e o portavoz do PP de Burela, José María González Barcia, e outros membros do PP burelés, manifestou que a día de hoxe ainda non se coñecen os investimentos reais efectuados polo Ministerio do Interior nas instalacións da Garda Civil na provincia de Lugo nos exercicios presupostarios de 2007 e 2008. Mariña Gueimunde indicou que “unha pregunta a este respecto formulada por escrito polos senadores por Lugo ainda está sen contestar por parte do Goberno, así que probablemente a reformulemos a nivel oral en comisión”. A senadora popular lamentou “a ineficacia e irresponsabilidade do goberno por non ser capaces, a día de hoxe, de trasladar unha información que ademais debería ser coñecida por todos os cidadáns por tratarse de servicios básicos e marcados na propia Constitución”.
A senadora Gueimunde asegurou que son bastantes as dependencias da Garda Civil na provincia que se atopan en mal estado. A este respecto, lamentou que o Secretario de Estado de Seguridad, Antonio Camacho, negara no Senado o mal estado das dependencias da Guardia Civil na província de Lugo; Gueimunde indicou que as realidades da província a este respecto son as que son, e que non hai que escondelas. Mariña Gueimunde indicou que as queixas sobre o estado do Cuartel de Burela xa non son de agora, “veñen de hai tres ou catro anos, e sería bon que o Ministerio do Interior fixese unha planificación de investimento serio e riguroso para paliar as deficiencias que agora mesmo existen e facer unha reforma integral do edifico”. Gueimunde recoñeceu que “estamos nunha situación de crise, pero igual que o Goberno derrocha e despilfarra non estaría de máis unha previsión orzamentaria nun servicio que é básico para os cidadáns, para os que exercen a súa profesión como gardas civís, para os seus familiares que viven nestas instalacións e para os usuarios das mesmas, porque todos pagan os seus impostos”.
Pola súa banda, o portavoz dos populares bureleses, José María González Barcia, lamentou que o alcalde, hasta agora, non fora capaz de posicionarse firmemente na defensa da reforma integral das instalacións do Cuartel de Burela. Barcia lembrou que xa en 2007 e en 2008 o PP presentou esta moción no pleno do Concello de Burela atopando a negativa do bigoberno a votala favorablemente. O portavoz popular burelés indicou que o alcalde semella terlle medo ó seu propio partido e non move un dedo para non molestar. “Agora, dixo Barcia, asistiremos á ceremonia de que ‘eu xa falei co Ministerio e xa se vai arreglar todo’, frases rituais ás que nos tén acostumados o alcalde”.
Ademais, González Barcia criticou a “ausencia” do senador por Lugo e secretario provincial dos socialistas Luis Angel Lago Lage: “vén pola comarca pedir votos, e non volve en anos, cando el debería coñecer ben de que época data a construcción do cuartel de Burela: dos últimos anos de Roldán”, aseguro Barcia.
Gueimunde, Balseiro e Barcia confían en que a cordura entre no Goberno do Estado e por fin se atendan as peticións de reforma integral que se piden para as instalacións da Garda Civil na província e na Mariña, entre elas a de Burela. Barcia foi maís alá e “confía en que o alcalde se pase dunha vez por todas ó bando da defensa dos intereses de Burela”.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
O vendedor da ONCE Daniel José López Legaspi foi quen levou a sorte ao municipio desde o seu posto de venda situado na Praza Maior.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
