Viveiro, 30 de xullo, 2026. O Grupo Municipal Socialista trasladará ao Pleno a preocupación existente entre os veciños e veciñas de Vieiro polo estado de conservación de diversas instalacións municipais, tras comprobar persoalmente múltiples deficiencias durante as visitas realizadas á parroquia.
En primeiro lugar, o Grupo constatou o deterioro dos vestiarios do Campo das Douradas, que presentan portas danadas e paneis rotos, unha situación impropia dunhas instalacións deportivas municipais e que require unha reparación inmediata para garantir a súa seguridade e conservación. No parque infantil do Souto da Feira e na contorna do recinto tamén se observa unha evidente falta de mantemento, con zonas de terra e céspede moi deteriorado, acumulación de maleza e unha imaxe de abandono que non se corresponde co espazo que merecen as familias e a veciñanza.
Do mesmo xeito, nas marxes e noiros próximos ao campo deportivo persiste unha gran cantidade de vexetación sen limpar, así como materiais e apeiros depositados sen motivo aparente, o que contribúe a deteriorar a imaxe do recinto. O Grupo chama tamén a atención sobre a presenza, desde hai tempo, de numerosas tubaxes de gran diámetro almacenadas no aparcadoiro do Campo das Douradas, ocupando unha parte importante do espazo destinado ao estacionamento. Descoñécese a que obra ou proxecto corresponden e por que continúan depositadas nese lugar. Ademais, existen montes de terra acumulados na zona onde proximamente se celebrará a festa, así como a ausencia dun poste de cemento retirado por estar roto e a falta de reposición da rede existente nese espazo.
Por todo isto, o Grupo Municipal Socialista formula un rogo para que se proceda á reparación inmediata dos vestiarios, á limpeza e acondicionamento integral do parque infantil e da contorna do recinto, á retirada dos materiais almacenados e á aclaración por parte do Goberno municipal sobre o destino das tubaxes depositadas no aparcadoiro e o prazo previsto para a súa retirada.
O Grupo manifesta tamén a súa preocupación polo estado dos aseos públicos do Parque Pernas Peón, que presentan numerosas pintadas e danos derivados de actos vandálicos. Aínda que estes feitos non son responsabilidade directa do Concello, si o é garantir o bo estado das instalacións municipais e actuar con dilixencia ante este tipo de situacións. A imaxe actual dos aseos é impropia dun parque tan frecuentado por familias, nenos e persoas maiores.
A esta situación súmase o estado lamentable do estanque dos patos do mesmo parque, que durante a recente visita da conselleira de Medio Ambiente presentaba moi pouca auga, sucidade acumulada, algas e mesmo un pato morto flotando desde facía varios días, segundo trasladaron varios veciños. Numerosos cidadáns tamén comentan que os patos se achegan continuamente ás persoas na procura de alimento, un reflexo do abandono que sofre o recinto. O Grupo lamenta que, mentres se organizan actos institucionais, se descoiden cuestións tan básicas como o mantemento deste espazo e o benestar dos animais.
Por todo iso, o Grupo Socialista solicita ao Pleno que o Goberno municipal actúe con urxencia, retirando o animal morto, limpando o estanque, restablecendo un nivel adecuado de auga e establecendo un mantemento periódico que evite que esta situación se repita. Así mesmo, pide a limpeza das pintadas e a restauración dos danos nos aseos públicos, ademais da adopción de medidas de prevención e vixilancia para evitar novos actos vandálicos.
O Grupo lembra tamén que hai dúas semanas denunciou publicamente o estado de abandono da Atalaia de Celeiro. A pesar de que o Goberno municipal realizou algunhas tarefas de limpeza tras aquela denuncia, a actuación quedou incompleta: persisten zonas con abundante maleza, espazos que precisan un mantemento máis exhaustivo, unha zanxa desbrozada só ao pé da celosía do muro e os peldaños das escaleiras de acceso ao núcleo continúan sen reparar. Por iso, o Grupo solicita que se completen os traballos pendentes para que este espazo emblemático presente as condicións que merece.
Finalmente, o Grupo quere coñecer cales son as previsións do Concello respecto ao grupo de vivendas da Cabana, onde os veciños veñen denunciando un importante crecemento da vexetación e unha evidente falta de mantemento das zonas comúns. Consideran que o mantemento periódico destes espazos é fundamental tanto pola imaxe do municipio como pola seguridade e calidade de vida da veciñanza. Tamén solicitan información sobre o plan de limpeza municipal anunciado polo Goberno popular para o ano 2025.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
