LUGO .- Máis de 30 persoas de 20 concellos da provincia de Lugo participan nun curso para cargos electos organizado pola Deputación e Caixa Nova. Tratase do ciclo formativo “Desenvolvemento da xestión local”, un dos primeiros destinado a edís, que aborda cuestións como o urbanismo ou a xestión económico-financeira das entidades locais
Nota de Prensa
Besteiro defende a profesionalización da xestión local na inauguración do curso para cargos electos
-O Presidente inaugurou na Deputación un dos primeiros cursos de formación para cargos electos no que participan máis de 30 Alcaldes e Concelleiros da provincia.
– O ciclo formativo, un dos primeiros destinado a edís, aborda cuestións como o urbanismo ou a xestión económico-financieira das Entidades Locais.
O Presidente da Deputación, José Ramón Gómez Besteiro, defendeu este luns a profesionalización da xestión local por parte dos Alcaldes e Concelleiros. O máximo responsable provincial apuntou que “os políticos con responsabilidade de goberno debemos tomar decisións que afectan ós veciños, por iso, ademais da defensa das ideas e dos programas polos que nos votan os cidadáns, é necesario que teñamos unha formación axeitada para conseguir administracións máis eficaces, especialmente en materias decisivas neste momento como a economía das facendas locais”.
Gómez Besteiro fixo estas afirmacións durante a inauguración do ciclo formativo “Desenvolvemento da xestión local”, organizado polo propio organismo provincial en colaboración coa Escola para Administracións Públicas de Caixanova. Trátase dunha das primeiras actividades formativas destinadas a cargos electos da nosa provincia. Nela participan máis de 30 Alcaldes, Tenentes de Alcalde e Concelleiros de 20 municipios. “O interese que suscitou este curso queda reflictido pola boa acollida, xa que a demanda superou as 30 prazas ofertadas inicialmente e aumentamos o número para que ninguén quedase fóra”, explicou o Presidente.
O Presidente avogou por dignificar a vida política: “Hoxe escoitamos moitas veces: Xa non hai políticos coma os de antes… Igual de necesario é que os cargos electos esteamos formados para a xestión municipal -no caso dos que temos responsabilidades de goberno- ou para realizar un control riguroso -no caso da oposición- porque hai que dignificar a política, xa que redundará no interese xeral. E iso empeza por nós”.
O titular provincial, que estivo acompañado polo Deputado de Persoal, Melchor Roel, e polo director da Escola de Caixanova, Eduardo García Erquiaga, afirmou que “o obxectivo deste curso é facilitar ós cargos electos os coñecementos necesarios para que poidan levar a cabo unha boa xestión nas súa Alcaldía ou Concellería, o que en definitiva beneficia ó interese xeral”.
Economía e urbanismo
Durante o curso, que rematará o 16 de decembro, abordaranse cuestións tan importantes para os Concellos como a xestión económico-financieira das Facendas Locais “un asunto vital nun momento como o que estamos a vivir, especialmente complicado para as arcas municipais e cun 2010 que se presenta difícil. É necesario que os responsables municipais, independentemente da área que xestionemos, teñamos uns coñecementos profesionais para entender de forma conxunto o presuposto público, as ferramentas de financiamento de proxectos ou o control presupostario das Facendas públicas”.
Outro asunto de máximo interese para os Concellos que abordará o curso é o urbanismo e a xestión do territorio. “Neste caso, é necesario que os responsables políticos coñezamos, por exemplo, as novidades e oportunidades da nova Lei do Solo ou os aspectos necesarios para que o desenvolvemento urbanístico local sexa sostible”, apuntou Gómez Besteiro.
O curso, de 112 horas lectivas, tamén incidirá noutras cuestións como xestión pública de calidade; comunicación e mercadotecnia dos servizos públicos; habilidades persoais e directivas para a dirección de equipos e persoas, etc.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
