CERVO .- A Deputación inviste 400 mil euros na mellora dun treito de 2,8 quilómetros da estrada que vai de Burela a Vilaestrofe. Esta obra está previsto que remate en tres meses. A vicepresidenta segunda da Deputación, Lara Méndez, visitou etas obras estrada provincial CP 1502.
Nota de Prensa
A Deputación inviste 400.000 euros na mellora dun treito da estrada que vai de Burela a Vilaestrofe
– A Vicepresidenta Segunda supervisou o inicio dos traballos que teñen unha duración de 3 meses
– O organismo provincial executa con fondos propios o asfaltado da vía que non fora incluído no proxecto aprobado polo anterior goberno da Deputación
– Lara Méndez lembrou que “en xaneiro xa tivemos que arranxar outro treito desta estrada debido á mala xestión da anterior Deputación. Nós traballamos con seriedade e facemos as obras con todas as garantías de seguridade”
A Vicepresidenta Segunda da Deputación, Lara Méndez, supervisou este xoves o inicio das obras de mellora que o organismo provincial acomete desde hoxe nun treito de 2,800 quilómetros da estrada provincial CP 1502 de Burela a Vilaestrofe. A responsable provincial, que estivo acompañada por técnicos da Deputación e da empresa adxudicataria, sinalou que “se trata dunha obra importante para os veciños desta zona da Mariña. Esta treito que imos arranxar quedara do anterior goberno en terra e agora imos asfaltala con fondos propios. Esta vía non podía quedar así, xa que é moi transitada polos veciños da zona”.
O organismo provincial executa con fondos propios o asfaltado da vía que non fora incluído no proxecto aprobado polo anterior goberno da Deputación A obra forma parte do POS 2007 e ten un investimento de 391.500 euros. Os traballos, que afectan ó treito comprendido entre o punto quilométrico 2,600 e o 5,400, inclúen, ademais, o afirmado e aglomerado en quente da calzada, sinalización vertical e horizontal, pintado, ollos de gato e instalación dunha barandilla con bionda sobre a ponte do río Xunco. “Por tanto, dentro de tres meses os veciños da zona e os usuarios da vía poderán comprobar como facemos as cousas na Deputación. Nós traballamos con seriedade e este treito vai quedar en condicións axeitadas para que o tráfico poida circular con todas as garantías de seguridade”.
Continuación do proxecto
A Deputación xa asfaltou no mes de xaneiro un treito de 1,700 quilómetros desta mesma estrada de Rúa a Vilaestrofe, no Concello de Cervo. Esta actuación, forma parte do POL 2005, e incluíu o acondicionamento dun treito de 2,600 quilómetros. Neste caso, o proxecto aprobado polo goberno do Partido Popular só prevía o asfaltado de 900 metros mentres que nos outros 1.700 -en concreto, os que van dos puntos quilométricos 5,445 e ó 7,150- tan só se contemplaba unha capa de zahorra. Tralas xestións realizadas pola Vicepresidenta Segunda, deuse a máxima prioridade a esta obra de asfaltado consignando unha partida orzamentaria dentro dos Presupostos da Deputación para este ano.
Para estes traballos o organismo provincial destinou 107.000 euros. Cando chegou o actual equipo de goberno da Deputación, o expedente de expropiación da obra deste POL 2005 estaba sen tramitar e, polo tanto, non se dispoñían dos terreos necesarios para realizar os traballos.
O actual equipo de goberno axilizou todo procedemento expropiatorio para que non se perdesen os fondos europeos, xa que o proxecto aprobado polo anterior goberno prevía o rego asfáltico de 900 metros e que os outros 1.700 quedasen en zahorra.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
Unha peza de teatro físico e manipulación de obxectos para público infantil e familiar que aborda a meta máis soñada polo ser humano: voar sen ás. Venda de entradas: no teléfono 982560162, en horario, de 9 a 14,00 horas, ou no correo electrónico cultura@viveiro.gal ou na taquilla unha hora antes da función. A cita será ás 18h.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xoves dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
