CERVO .- O Concello de Cervo dispón dun novo local no edificio da Casa do Mar de San Ciprián destinado aos mozos do municipio. As novas instalacións están situadas na planta baixa, no lugar que ocupaba a antiga biblioteca municipal, e estarán dotadas de mobiliario, xogos de mesa e recreativos.
Nota de Prensa
CERVO ABRE HOXE UN LOCAL DESTINADO Á MOCIDADE
Cervo, 20 de novembro de 2009.- O Concello de Cervo abrirá hoxe, a partires das cinco da tarde, un local no edificio da Casa do Mar de San Ciprián destinado aos mozos do municipio.
As novas instalacións están situadas na planta baixa da Casa do Mar, no lugar que ocupaba a antiga biblioteca municipal, e estarán dotadas de diverso mobiliario; así coma xogos de mesa e recreativos coma un futbolín, una mesa de billar e outra de ping-pong.
A responsable da área de Asuntos Sociais sinalou que as concellerías de Educación, Asuntos Sociais e Cultura e Xuventude de Cervo están a traballar conxuntamente para ampliar a oferta lúdico-formativa desta nova infraestrutura municipal.
Neste senso lembrou que a consecución deste novo espacio xuvenil levaba sendo unha prioridade para o equipo de Goberno dende hai máis dun ano, cando mantiveron unha xuntanza con rapaces do municipio e na que lles solicitaron a adecuación dun local na Casa do Mar para poder reunirse e organizar actividades.
Armada recordou tamén que o Concello dirixírase por escrito á Consellería da Vicepresidencia da Xunta solicitándolle a cesión destes locais, “pero sempre nos atopamos coas reticencias da que era daquela delegada provincial, que nos esixía como condición para a ceder os locais que o Concello se adherira ao Consorcio Galego de Servizos de Igualdade e Benestar. Sen embargo, os actuais responsables da Consellería de Presidencia non puxeron ningún tipo de condicionante para levar adiante esta cesión ” asegurou.
ESPAZOS PARA A XUVENTUDE
O Goberno municipal está a desenvolver un gran esforzo na habilitación de espazos especialmente destinados para os mozos e mozas do municipio. Neste senso cabe lembrar que cedeu o local coñecido como o Caseto do Veterinario (no núcleo de Cervo), promoveu a través do programa “ao teu carón” a apertura dos centros sociais nas parroquias do rural con acceso gratuíto á rede internet, e habilitou un espazo para o ensaio de grupos musicais nas instalacións do club de Rio Cobo, tras a demanda efectuada por un grupo de rapaces. “Agora chegou o turno de completar estas instalacións en San Ciprián, as cales sumaranse as da Casa de la Cultura, que ten un un destino fundamentalmente educativo” lembrou a responsable de Asuntos Sociais cervense
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
