Se decimos que imos falar de Manuel Pérez González acaso resulte descoñecido, e polo tanto non esperte interese algún, a pesares de tratarse do home posiblemente mais singular e mais popular que a cotío percorre os pobos de Gijón a Ferrol, mensaxeiro de boas novas para as xentes, voceiro dos atractivos mais engaiolantes para o tempo de lecer da xuventude. A súa presenza, exótica e singular, pon na paisaxe o contrapunto colorista e festivo que irradia optimismo, estética externa que serve de envoltura a unha personalidade interior en armonía con aquéla. Polo seu talante dinámico, respetuoso e cortés, sempre alegre e bullangueiro, extrovertido e comunicativo, en todas partes é recibido con simpatía porque a súa actitude vital emana dunha idiosincrasia non prodigada: nél están ausentes todo sentimento de egoísmo, ambición ou envexa. ou mesmo do desexo de calqueira tipo de medre: non ten madeira de político. A súa alma sinxela solázase na paz que o arrodea e rexeita todo tipo de violencia: defende e practica pródigamente o mandato pacifista “fai o amor e non a guerra”. Instalado no candor dunha bohemia que nada ten que ver cos cánones desta sociedade que por todas partes desprende bafos de servilismo e adulación a aqueles que, dun xeito ou doutro, ostentan algún tipo de poder, él goza do don sublime da independencia persoal, da autonomía, da liberdade, paxaro que voa libre, sen concesión a prexuizos tan propios das pequenas comunidades, e liberado de toda atadura social ou ideolóxica: ninguén lle dicta consignas nen transmite ordes.Acaso esta actitude ante a vida e a sociedade teña a xénese nos anos de adolescencia, cando o rapaz admiraba as aventuras do seu ídolo do celuloide, encarnado na película “ Jhonni Yuma, el Terrible”. As súas vivencias mais entrañables teñen por escenario as beiras astur-galaicas do Eo pois, ribadense ata a médula, proclama a súa nacencia na pintoresca Figueiras, circunstancia transcendental que o fai acreedor ó agarimoso apelativo de “pixoto”. Iste poidera ser, descrito a voa pluma, o retrato anímico de quen é, pòla súa singularidade, exemplar único da fauna humana do contorno: “Yuma”.
Yuma
Relacionado
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
