Nota de Prensa
Nota axudas Área Cultura e Deportes Deputación
A Área de Cultura e Deportes da Deputación apoia con preto de 557.000 euros a realización de actividades e investimentos culturais e deportivos na Mariña
Apoiáronse un total de 212 solicitudes de entidades asociativas e 55 presentadas por concellos da comarca
A resolucións destas axudas de carácter competitivo está suxeita a bases transparentes e foi apoiada por tódolos grupos políticos da corporación provincial
A Mariña, 5 de xaneiro de 2010. O Portavoz comarcal do BNG e Delegado da Área de Cultura e Deportes da Deputación, Antonio Veiga, desglosou as axudas de carácter competitivo resoltas recentemente polas áreas da súa responsabilidade, aprobadas de acordo coas bases publicadas e sen ningún voto en contra por parte dos representantes de todos os grupos políticos da Deputación que forman parte da Mesa de Valoración. O número de solicitudes aumentou en 44 en relación ao ano 2008, incrementándose as axudas en 95.253 euros. Antonio Veiga lembrou que na Área de deportes, a Deputación de Lugo é a administración que porcentualmente ofrece maior apoio aos clubs deportivos, cun compromiso que se vai incrementando anualmente dende a chegada do BNG ao goberno da Deputación.
O incremento das solicitudes supón un maior esforzo económico
A área de Cultura e Deportes da Deputación de Lugo aprobou a concesión de 267 axudas cun investimento total de 556.978,30 euros para actividades e investimentos deportivos e culturais destinadas a asociacións e concellos da Mariña o que supuxo un incremento no número de solicitudes en relación ao ano 2008 de 44 e 95.253 euros mais que o ano anterior. “A comarca da Mariña destaca pola vitalidade do mundo asociativo e a área de Cultura e Deportes seguirá apoiando na medida das súas posibilidades as actividades que redunden en beneficio da sociedade”, afirmou Veiga.
En Cultura foron atendidas 156 solicitudes cun investimento de 277.178,30 euros
O portavoz do BNG na Mariña e do GPBNG, desglosou as axudas correspondentes a cultura e deportes, cuantificando o número de axudas para actividades e investimentos culturais nun total de 156 solicitudes atendidas por importe de 277.178,30 euros das cales, 132 foron solicitudes de asociacións cun importe de 218.547,91 euros e 24 corresponderon a concellos cun investimento de 58.630,39 euros.
Para deportes atendéronse 111 solicitudes por 278.000 euros
Na área de deportes foron atendidas un total de 111 solicitudes por importe de 278.800 euros , das cales 80 corresponderon a clubs e asociacións deportivas cun investimento de 199.500 euros e 31 a solicitudes dos concellos cunha dotación económica de 80.300 euros.
Antonio Veiga destacou que todas as solicitudes foron atendidas de acordo coa baremación normativa das bases publicadas, e só un escaso número deberon ser rexeitadas por presentarse fora de prazo ou non corresponderse coas bases publicadas, a proba do sete é que o conxunto dos representantes que forman parte da Mesa de Valoración aprobaron as resolucións”
Ao PP non lle interesa o Museo do Mar e úsao como arma de confrontación política contra o BNG
Veiga aproveitou para responder ás críticas do portavoz adxunto do Grupo Provincial do PP en relación ao Museo do Mar de San Cibrao, o nacionalista criticou que o PP queira agora que en dous anos se solucione todo o que eles non fixeron en moitos anos, lembrando que “o PP mentres gobernaba dedicouse a facer anuncios sen consistencia e a enturbar as relacións con quen deberían chegar a acordos”. O portavoz nacionalista ademais cualificou de “falsa postura cara a galería” a posición do PP sobre o Museo Sancibrense “,.
“Pouca importancia lle dá o PP ao Museo do Mar cando pon ao Sr. Barcia a defender unha demagóxica moción que ocultaba e falseaba todo o acontecido con dito museo cando o PP gobernaba a Deputación” afirma Veiga, quen ademais engade “Todo o mundo sabe que nos debates dos temas importantes o PP non lle deixa intervir ao Sr. Barcia, xa que neses temas intervén o Sr. Barreiro, polo tanto pouco importante é para o PP o Museo do Mar, só o queren para facer política partidaria”
Antonio Veiga tamén lle recomenda ao Sr. Barcia que deixe de entorpecer a quen está traballando, nesta ocasión con rigor e seriedade (non como fixo o PP) e convídao a pasar polo Museo do Mar canso se realiza algunha actividade, que foron moitas ao longo do ano pasado e continuarán neste. González Barcia é o único deputado mariñán que non asistiu a ningunha actividade do Museo de San Cibrao, demostrando así o nulo compromisos coa institución así como a súa escasa sensibilidade cultural.
Parece mentira que o PP e o Sr. Barcia non saiban ou non queiran ler e interpretar uns orzamentos.
Parece mentira que o PP e particularmente o Sr. Barcia con esa dilatada traxectoria na política local non saiban ler uns orzamentos mais aló do que é a letra gorda. Nese sentido nos estraña que a valoración que fan os colectivos culturais e deportivos da comarca sexa totalmente distinta da que fan os representantes populares.
Veiga afirmou tamén que non buscaba os parabéns de ningunha sigla política, senón da xente da cultura e do deporte da Mariña e neste sentido recoñece que nunca antes recibira tantos parabéns do mundo da cultura e do deporte mariñao. Mesmamente non estaría de mais que o Sr. Barcia explicase se as súas críticas responden a unha posición particular ou a unha posición do conxunto do PP, posto que foron moitos os alcaldes do seu partido que amosaron a súa satisfacción polas obras e investimentos feitos nos seus concellos. En definitiva, as declaracións do Sr. Barcia non pasan da opinión particular de quen o PP lle encomendou exercer de látigo do goberno na Deputación.
O Responsábel comarcal do BNG recordou que o PP como partido no goberno da Xunta, se quere ter lexitimidade na súa crítica o que ten é que dar trigo e deixarse de predicar, aínda que esta prédica non responde a outra intención que tentar agochar a falla de compromiso demostrado por este partido nos orzamentos da Xunta para a Mariña.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
Unha peza de teatro físico e manipulación de obxectos para público infantil e familiar que aborda a meta máis soñada polo ser humano: voar sen ás. Venda de entradas: no teléfono 982560162, en horario, de 9 a 14,00 horas, ou no correo electrónico cultura@viveiro.gal ou na taquilla unha hora antes da función. A cita será ás 18h.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
