Nota de Prensa
Para a deputada popular Natalia Barros esta medida serviría para contraer aínda mais o consumo e pediu que o Goberno siga o exemplo dos 22 dos 27 estados membros da UE nos que xa se aplica unha tarifa reducida
O PARLAMENTO APROBA, A INICIATIVA DO PPDEG, INSTAR AO GOBERNO DO ESTADO PARA QUE EXIMA AO SECTOR TURÍSTICO GALEGO DO INCREMENTO DO IVE PREVISTO NESTE ANO XACOBEO
* A deputada popular defendeu a oportunidade de recuperación económica de Galicia que suporá o Xacobeo 2010, no que se estima un diferencial do 0,5% no PIB galego, o potencial transfronteirizo das empresas turísticas e os mais de dez millóns de visitantes, os que se verán prexudicados polo incremento do IVE
Santiago de Compostela, 11 de febreiro de 2010.- O Parlamento de Galicia aprobou, na reunión da Comisión de Industria, Enerxía, Comercio e Turismo celebrada hoxe, unha iniciativa do PPdeG na que insta á Xunta de Galicia a dirixirse ao Goberno central para que exima as empresas do sector turístico de Galicia do incremento previsto no IVE durante o Ano Xacobeo 2010. A deputada popular Natalia Barros criticou as medidas tributarias que está adoptando o Goberno de España “que non beneficiarán a recuperación económica” e en especial serán prexudiciais ao comercio e ao turismo “que son os sectores mais sensibles e provocará a perdida de competitividade do sector turístico de Galicia”.
Para Natalia Barros o diferencial positivo, que segundo o IGE será de medio punto, de crecemento para a economía galega en relación coa estatal para o exercicio 2010 debese, en boa parte, ao “efecto Xacobeo”, e estará ligado aos servizos. “O problema da suba do IVE é precisamente este, a suba de prezos que supón unha diminución no consumo, minorando este efecto positivo do Xacobeo 2010”.
Para a voceira de Turismo do PPdeG, esta suba do IVE pode ser a puntilla para moitos establecementos hoteleiros que xa asinaron a súa contratación para o 2010, fundamentalmente con operadores internacionais, co IVE incluído segundo os tipos actuais, polo que o aumento tería que ser asumido polos empresarios do sector, o que os fará claramente menos competitivos. “Moitas pequenas empresas do sector veranse na obriga de recortar gastos de onde sexa, de persoal, de mantemento ou de calquera outra partida xa que efectuaron a contratación de eventos con un ano de antelación, o que provocará unha merma na calidade dos servizos e mesmo mais destrución de emprego, nun sector que tradicionalmente é xerador de emprego”.
Natalia Barros indicou na súa intervención que xa nos 22 dos 27 estados membros da UE aplícase unha tarifa reducida “e competidores moi directos como Francia xa rebaixaron o IVE este verán, pasando ó 5,5% e Portugal ten establecido no 5% mentres que en España o tipo reducido pasará do 7 ao 8% e afectará a bens e servizos, transporte de viaxeiros, servizos de hostalería, entradas a espectáculos…etc“.
A deputada popular defendeu a oportunidade de recuperación económica de Galicia que suporá o Xacobeo 2010, no que se estima un diferencial do 0,5% no PIB galego, e o potencial transfronteirizo dun Ano Santo, que funcionará como exportador das empresas turísticas e do sector en xeral,ademais dos dez millóns de usuarios que visitarán Galicia e que se verán prexudicados polo incremento do IVE “no caso de que non se dé marcha atrás no incremento dos tipos de gravame do IVE previstos”. Natalia Barros considerou de suma importancia o aprazamento ou suspensión da súa aplicación ao sector turístico galego co obxecto de maximizar as oportunidade deste neste ano especial para a Comunidade Autónoma.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
