BURELA (FNC) .- A Concellaría de Mar está a traballar na elaboración das bases para proceder á contratación dun patrón mecánico guía para o barco museo Reina del Carmen. Remedios López Villar sinala que “será con carácter de interinidade, as bases serán de oposición libre e terá que estar en posesión do título de Graduado escolar, FP I ou equivalente. Váise abrir un prazo de 10 días unha vez publicado o anuncio na prensa para a presentación de toda a documentación demandada. A proba constará de tres partes: a primeira tipo test dun pequeno temario, a segunda será unha explicación guiada do barco e artes de pesca, e a terceira consistirá nunha tradución ao galego”.
A edil de Mar explica que “o barco museo Reina del Carmen, amarrado no porto burelés, recibe centos de visitas de grupos organizados e de particulares ao longo de todo o ano pero mais no verán, de aí que tentemos telo o mellor atendido posible”. Remedios López tamén anuncia que “se está a elaborar a solicitude para conseguir as subvencións dos plans de cooperación que sairon no DOG do 1 de marzo. Imos solicitar a contratación de dous parados como guías do barco museo, terán nivel de peón e serán para os catro meses estivais. Estas dúas persoas traballarán de apoio ao patrón para amosar e dar explicacións guiadas ao turista que veña coñecer o barco e sobre como se vive nel nunha campaña do bonito”.
A concelleira socialista lembra que “estamos a esperar a resolución da solicitude dunha subvención dos GAC. Nós solicitamos axuda para poder sacar a diante dous proxectos moi importantes, un deles é a continuidade das xornadas gastronómicas e os libros Os sabores do noso mar e o outro Memoria do oficio do mar en Burela que levará consigo a contratación dun licenciado en Historia que irá facendo entrevistas a persoas relevantes no mundo do mar e que logo quedarán reflectidas nun libro”.
Remedios López suliña que “con estas medidas tentamos fomentar o emprego en Burela e apoiar ás familiar que mais o necesitan creando catro postos de traballo”.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
