RIBADEO (FNC) .- O Boletín Oficial da Provincia de Lugo publica hoxe unha resolución da alcaldía co proxecto básico e de execución de construcción de cuberta no edificio de vivendas sito nas rúas San Francisco e Irmáns Moreno Ulloa, redactado polo arquitecto municipal e que conta cun orzamento estimado duns 79.000 euros. Agora sométese a información pública durante un prazo de 20 días hábiles contados a partires da publicación do presente anuncio no BOP para a presentación das alegacións ou reclamacións que se estimen oportunas. O rexedor explica que encargou o proxecto ao técnico municipal para que despois da demolición das cubertas se proceda á súa reconstrucción “conforme á legalidade que no seu momento nunca se debeu violar”.
Fernando Suárez sinala que “a respecto do cumprimento desta sentencia que planea desde hai tempo aquí sobre o Concello de Ribadeo para demoler a cuberta dun edificio ubicado nas rúas San Francisco e Irmáns Moreno Ulloa. Sobre esa cuberta pesa unha orde de demolición por sentencia xudicial firme e que condea ao Concello a executala sen perxuizo de que despois o seu constructor teña que abonar estes gastos”.
O alcalde lembra que “hai que ter en conta tamén que hai un tempo o xulgado do contencioso de Lugo advertíulle ao alcalde que si nun prazo determinado non executaba esta sentencia sería multado. Nós en ningún momento nos quixemos opoñer a esto senón que estivemos a dar pasos para facer efectiva a execución da sentencia. Ainda que indo á execución en sí pedimos unha serie de informes tanto á secretaría do Concello como ao servizo xurídico da Deputación Provincial para ver o que compre facer respecto ao cumprimento da legalidade urbanística, ata qué punto a execución municipal debe ser acabada coa demolición en sí ou si pola contra ten que ser o Concello o que ten que facer tamén a reconstrucción como se debería ter feito en orixe, cando este edificio foi construido”.
Suárez Barcia suliña que “inicialmente se pediu unha licencia municipal cunhas dimensións e o promotor acabou facendo outra cousa diferente da que se tiña autorizadoao principio. Neste caso a resposta do xuiz mediante auto de hai uns días foi inequívoca e polo tanto en cumprimento deste auto din instruccións ao técnico municipal para que redactara un proxecto de reconstrucción que vaia ligado a que despois da demolición ten que haber unha reconstrucción conforme á legalidade que no seu momento non se debeu violar”.
O alcalde de Ribadeo manifesta que “hoxe no BOP sae o anuncio de que este proxecto se atopa en exposición pública por si alguén interesado tivese algo que alegar. Unha vez rematada esta fase procederase a adxudicar a obra de reconstrucción. Realizaremos unha execución subsidiaria con todo esto e logo o Concello lle pasará o cargo a quen ten que asumilo, porque o Concello non é o promotor lexítimo desta obra, pero sí está condeado desde hai anos a facer o que outro non fixo independentemente de que despois o Concello lle pase o cargo de todos estes gastos”.
Este venres, 14 de agosto ás 20.00 horas, terá lugar a presentación do libro "Espiritualidad", unha longa reflexión sobre a dimensión espiritual do ser humano, levada a cabo por 8 autores de diferences orientacións relixiosas, no Local Social do Parque Concepción Arenal (antigo matadoiro) de Ferreira do Valadouro. Estará presente o autor-coordinador da obra Pepe Peinó.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
