NOTA DE PRENSA
Os populares piden que o concello apoie que autónomos e empresarios aplacen o pago do IVE das facturas non cobradas.
Para o PP, “unha grande parte do tecido socioeconómico burelés débese ós autónomos e ás pemes”.
Pernas Chao e González Barcia presentan unha moción ó respecto.
O PP de Burela anunciou hoxe que vén de presentar unha moción para que o Concello de Burela apoie a promulgación dunha norma legal que permita ós traballadores autónomos e pequenas e medianas empresas non liquidar o IVE das facturas que ainda non foron cobradas en tanto en canto o cobro non se efectúe.
Esta moción, presentada por Pablo Pernas Chao e José María González Barcia, lembra que hai un mes o Congreso dos Deputados acordou por unanimidade a toma en consideración dunha proposición de lei presentada polo PP sobre este asunto.
Pernas Chao e González Barcia consideran que este colectivo de traballadores autónomos é pemes tén unha enorme e trascendental importancia dentro do tecido socioeconómico burelés, polas súas diversas funcións de empregadores, xeradores de actividade económica e outras de calado social, como as de fixación da poboación no noso termo municipal.
Pernas Chao e Barcia indican que tamén é sabido que nos momentos alcistas do ciclo económico a súa actividade coma empresarios é crucial para explicar o dimensionamento do mercado laboral e o gran aumento da empregabilidade, tendo en conta a estructura productica da economia galega en xeral e burelesa en particular, son os autónomos e pequenos empresarios os que asumiron a responsabilidade de seren, coma colectivo, uns dos principais axentes de creación de emprego no noso concello.
Os concelleiros populares lembran que os traballadores autónomos e as pequenas e medianas empresas están véndose moi afectadas pola crise económica que atravesa noso país. O número de autónomos afiliados á Seguridade Social estase a reducir e consecuentemente a creación de empresas.
Asimesmo, autónomos e PEMES están atravesando os mais graves atrancos e son os que atopan mais dificultades para obter financiación. A maioría das PEMES que acudiron a unha entidade para solicitar crédito tiveron problemas para obtelo.
Por todo elo, aseguran Pernas Chao e González Barcia, o Congreso dos Deputados, a instancia do Grupo Parlamentario Popular, aprobou o 21 de abril de 2009, unha Proposición non de lei relativa á medidas fiscais para mellorar a liquidez de PEMES e autónomos que non cobren as súas facturas.
A pesares do tempo transcurrido, o Goberno non deu cumplimento ao mandato do Congreso dos Deputados, polo que o 8 de octubre de 2009 se promoveu unha proposición de lei para modificar a Lei 37/1992, de 28 de decembro, do Imposto sobre o Valor Engadido, co fin de eximir a PEMES e autónomos da obligación de tributar por IVE polas facturas non cobradas.
Pernas Chao e González Barcia confían que a moción sexa apoiada pola totalidade da corporación burelesa dada a unanimidade existente no Congreso para a tramitación desta norma legal.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
