Nota de Prensa
O BNG ANUNCIA UNHA BATERÍA DE INICIATIVAS PARLAMENTARES SOBRE O CASTRO DA ATALAIA
Queren saber cales son as intencións da Xunta de Galiza en relación a este xacemento arqueolóxico incluído no Inventario de Bens da Dirección Xeral de Patrimonio
Os nacionalistas celebraron a aparición de restos do paleolítico en Río Covo e felicitaron á Asociación Mariña Patrimonio polo importante traballo de recuperación da historia de Cervo
Cervo, 25 de marzo de 2010. O BNG de Cervo anunciou a presentación dunha batería de iniciativas no Parlamento de Galiza para coñecer as intencións dos actuais responsábeis da Xunta de Galiza en relación a este xacemento arqueolóxico inventariado pola Dirección Xeral de Patrimonio en abril de 2007. Os nacionalistas lembran que a última resolución en relación a este xacemento foi ordenada polo anterior goberno en marzo de 2009 para a realización dunha escavación arqueolóxica en área co fin de rematar o estudo do castro que a anterior Consellaría de Cultura pretendía conservar in situ.
Dende o cambio de goberno descoñécese trámite algún en relación a este xacemento castrexo
A última resolución da Xunta de Galiza en relación ao Castro de Punta Atalaia en San Cibrao ven de marzo de 2009, cando a anterior Dirección Xeral de Patrimonio resolvía a escavación arqueolóxica en área de varias parcelas de propiedade privada correspondéndose estas con dous expedentes de edificación neste momento paralizados. Os nacionalistas descoñecen si estes estudos están definitivamente rematados e si existe o informe correspondente e tamén se descoñece cales son as xestións realizadas pola Consellaría de Cultura a fin de preservar este xacemento e a súa posta en valor.
As iniciativas nacionalistas van dirixidas a coñecer a situación actual do expedente aberto pola Consellaría de Cultura para o estudo e conservación do xacemento, informes arqueolóxicos dos traballos realizados e situación urbanística das licenzas de construción concedidas polo concello de Cervo para 100 vivendas nos terreos ocupados polo castro.
O BNG agarda que o actual goberno manteña as intencións do anterior de conservar in situ este xacemento
O BNG agarda a boa disposición do actual goberno galego para a conservación in situ do xacemento arqueolóxico e a súa posta en valor, tal como tiña anunciado a anterior Dirección Xeral de Patrimonio. Neste sentido o portavoz municipal, Xoán Estúa, reclamou acordos entre o concello de Cervo, o promotor e a Xunta de Galiza para buscar unha solución que faga compatíbel a protección do patrimonio e os dereitos urbanísticos adquiridos”. “Para o BNG débese ter en conta que o Castro da Atalaia non e só un ben cultural a preservar, senón tamén un recurso turístico de gran relevancia para o concello”, precisou Estúa.
O BNG celebrou a aparición de novos restos de gran relevancia histórica e agradeceu o traballo da asociación Mariña Patrimonio
Os nacionalistas celebraron a aparición de restos do paleolítico nunha zona do concello de Cervo, “que veñen a demostrar a enorme riqueza patrimonial do noso concello que debe ser coidada, protexida e aproveitada”, neste sentido Estúa agradeceu o traballo da Asociación Mariña Patrimonio polo seu traballo a prol deste fin e instou á administracións con competencias neste asunto a traballar activamente para facer de Cervo unha referencia na protección, posta en valor e aproveitamento dos seus recursos patrimoniais e culturais.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
