Nota de Prensa
O INFORME DOS REDACTORES DO PXOM COINCIDE CO BNG NAS VALORACIÓNS SOBRE O POL
Basanta afirma que o POL está condenado ao fracaso por estar lonxe da realidade do país
Foz, 10 de marzo de 2010.- Onte entregouselle ao BNG o informe que a Comisión do POL do Concello de Foz lle solicitara aos técnicos redactores do Plan Xeral de Ordenación Municipal. Neste documento, vense reflectidos os mesmos argumentos que o BNG manexaba para facer un rexeitamento contundente a dito Plan.
En primeiro lugar coinciden os redactores co BNG en que o Plan de Ordenación do Litoral entra en contradicción co Plan Xeral que está en tramitación, hipotecando consecuentemente o desenvolvemento urbanístico do Concello de Foz. É máis, os redactores sinalan que “no caso de Foz o POL descoñece a existencia dun planeamento municipal “que non só establece o límite do solo urbano na vila senón que existe unha delimitación de núcleos (Cangas, Nois, Fazouro, etc) ao contrario do que acontece en Barreiros, con planeamento suspendido”. Efectivamente, chama a atención pois que en Barreiros, con planeamento suspendido pola Xunta de Galiza, a propia Xunta si lle recoñeza a existencia de núcleos residenciais provocando un agravio comparativo moi grave, explicable só desde unha consideración exclusivamente política e partidista por parte do PP.
Así mesmo, coinciden co BNG en que o PP, con este plan, está condenando a Foz a a medrar urbanisticamente cara o monte obviando ou descoñecendo o asentamento tradicional costeiro da poboación. Neste sentido, advirten os redactores da contradicción que supón que “por unha banda na área de mellora ambiental e paixística se pide favorecer a concentración fronte a dispersión, e por outra se restrinxen os desenvolvementos urbanísticos remitíndoos ás áreas de ordenación, en case que todos os casos completamente desconectados das áreas urbanas e de forte impacto paisaxístico ao constituír o telón de fundo”. Tamén existen, segundo os técnicos, contradiccións entre as determinacións da Lei do Solo e o POL, pois “mentres este último contempla o desenvolvemento urbanístico asociado aos núcleos tradicionais, a primeira os restrinxe coa súa clasificación como núcleo rural tradicional”.
Finalmente destacar o que o BNG ven afirmando desde que se coñeceu o documento: que o POL está moi alonxado da realidade urbanística do Concello, ignorando realidades urbanas como Cangas, Fazouro, Nois, Vilaronte, Marzán ou Forxán que como os redactores do planeamento recoñecen son “verdadeiros núcleos de identidade do litoral e para o POL só son simplemente “novas agrupacións ou outros”, sen ningunha capacidade de desenvolvemento”.
A conclusión de todo esto é clara e contundente: que este POL non cumpre cos requisitos mínimos para pasar un exame ou en palabras da oficina redactora: “carece de determinacións básicas que poidan axudar a formalizar un período de consultas e máis dende a responsabilidade da administración autonómica no seu deseño”. En definitiva, este POL está condenado ao fracaso por non obedecer á realidade do Concello de Foz e de Galiza en canto á forma de poboar o territorio da súas xentes.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
