NOTA DE PRENSA:
Os populares constatan o bon ritmo das obras do campo artificial da Marosa.
González Barcia afirma que “foi o PP quen impulsou e quen fai esta obra”.
Os populares deséxanlle “ambición e sorte” ó Burela Fútbol-Sala feminino na Copa de España.
O Grupo Municipal do PP de Burela visitou hoxe as obras de construcción do campo de fútbol artificial da Marosa, e constataron que as obras do mesmo van ó ritmo previsto na programación das mesmas.
O portavoz do GMPP, José María González Barcia, destacou que as obras rematarán durante o verán, e poderán ser usadas na vindeira temporada futbolística. Barcia indicou que así se cumpren os compromisos con Burela da Xunta de Galicia que preside Núñez Feijoo. O voceiro popular lembrou que foi o PP, desde o goberno municipal de Burela, quen iniciou os trámites para facer realidade esta obra, que supón un investimento de cincocentos cincuenta mil euros. Pero tamén dixo que foi o PP burelés, coa chegada do PP á Xunta hai un mes, quen impulsou e desbloqueou a obra, obra que a Xunta bipartita e o bipartito burelés foran incapaces de xestionar despois de facer moreas de anuncios sobre a mesma.
Para os populares, esta obra significa unha aposta decidida por Burela en xeral e polo deporte en particular. Barcia aproveitou para manifestar que desde hai dez meses o PP burelés informou en todo momento á S.D. Burela dos trámites que el mesmo e o seu equipo estaban a facer coa Xunta para sacar adiante a obra “e mesmo tivemos reunións en Santiago con responsables de Deportes”. “Desde o PP, dixo Barcia, traballamos por e para Burela e a xente coñece en todo momento as xestións que facemos”.
Finalmente, o GMPP desexoulle ó Burela Fútbol-Sala feminino que xoga a vindeira fin de semana a Copa de España en Ourense “ambición e sorte, porque o máis difícil, xogar este torneo, xa está conseguido”, confiados en que o equipo pode aspirar ó máis algo, pero recoñecendo en todo momento que chegar hasta onde se chega, no primeiro ano na División de Honra, é un reto difícil de igualar e sen dúbida o maior logro acadado a nivel deportivo en Burela e practicamente na comarca. O GMPP anunciou a presencia de alomenos un dos seus membros no partido de cuartos que se xogará o venres na cidade das Burgas.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
Unha peza de teatro físico e manipulación de obxectos para público infantil e familiar que aborda a meta máis soñada polo ser humano: voar sen ás. Venda de entradas: no teléfono 982560162, en horario, de 9 a 14,00 horas, ou no correo electrónico cultura@viveiro.gal ou na taquilla unha hora antes da función. A cita será ás 18h.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
