NOTA DE PRENSA
O Partido Popular asegura que a Xunta investiu en Lugo durante un ano preto de 152 millóns de euros
* Os deputados populares lucenses adiantaron que a previsión para os próximos anos é que o investimento chegue ós 225 millóns de euros a maiores
* Jaime Castiñeira asegurou que a comarca de Lugo “saíu claramente fortalecida co goberno de Feijoo, cunha aposta importante para inversións, cunha xestión real, que se concreta con obras en marcha e outras rematadas”
* A Xunta de Galicia destinou case 18 millóns á comarca de A Fonsagrada
* Barreiro suliñou pola súa banda que “Galicia conta hoxe cun único presidente e un único equipo de goberno, cohesionado e coordinado”, que redunda en beneficio de todos os galegos porque “o goberno está centrado en solucionar os problemas dos galegos e non en resolver liortas internas derivadas de intereses partidistas”
Lugo, a 15 de abril de 2010.- O Presidente do Partido Popular de Lugo José Manuel Barreiro indicou que en “só un ano de goberno de Alberto Núñez Feijoo as diferencias con respecto ó bipartito son salientables”. Así, suliñou en primeiro lugar que hai un “único presidente e un único equipo de goberno, cohesionado e coordinado”, e eso redunda, segundo recalcou, “nunha acción de goberno máis áxil, coherente e sobre todo encamiñada e centrada en dar solucións ós problemas de Galicia en xeral e de Lugo en particular e non a resolver loitas internas derivadas de intereses partidistas contrapostos”.
Para Barreiro, o Goberno da Xunta deu mostras sobradas do seu compromiso coa provincia de Lugo, principiando pola posta en marcha do Plan Impulsa e seguindo polo elevado nivel de inversión xa comprometido.
O líder dos populares lucense fixo estas valoracións durante o balanzo realizado hoxe polos deputados da comarca de Lugo sobre este primeiro ano de goberno no que Jaime Castiñeira destacou que “está claro que o goberno de Feijoo si cumpriu coa comarca de Lugo, e ademais, con creces, con inversións importantes feitas realidade”. Un investimento que cifrou en 151,7 millóns de euros neste primeiro ano de legislatura.
O deputado popular aposta por seguir nesta liña cun plan de austeridade, tendo en conta a situacion económica e os “grandes buratos” que deixou o bipartito, ademais dos case dous millóns de euros que hai que devolver pola súa nefasta xestión. Castiñeira resumiu que “é unha inversión que nunca antes coñeceu a comarca de Lugo”, polo que non dubidou en felicitar a Galicia pola súa “boa elección” do pasado 1 de marzo.
Castiñeira sinalou que, con este ano de Feijoo, “a comarca de Lugo saíu claramente fortalecida, cunha aposta importante para inversións, cunha xestión real, con obras en marcha e outras rematadas”.
Neste contexto quixo subliñar, das numerosas cuestións que permitiu o “excelente trato de Feijoo con Lugo”, o impulso á Lei da Dependencia.
En concreto, matizou que nun ano se duplicou o número de concesións feitas en dous anos polo bipartito ó amparo da Lei da Dependencia e asegurou que a Xunta apurou as resolucións ata o punto de que tramitou nun só ano 836 solicitudes fronte ás 598 que o bipartito levou adiante en dous anos.
Castiñeira asegurou que “con estes datos, está claro que Feijoo multiplicou por catro a inversión do bipartito”. “Iso si que é un gasto social e non socialista, como nos ten acostumados o PSOE”, recalcou.
Horizonte futuro.-
Para os próximos anos, coas actuacións incluídas no Plan Move que afectan á comarca de Lugo por importe de 86.000.000 (desdobre de Nadela, estrada de Friol a Begonte, ronda Leste de Lugo…); os preto de 23.000.000 de euros para actuacións en materia de vivenda; o auditorio con 13.500.000, os case 100.000.000 euros para chan industiral, e os 2.200.000 euros para o plan Paradai, serán en total 225 millóns de euros o que achegará a Xunta “nunha mostra sen parangón de compromiso con Lugo”.
Comarca de A Fonsagrada.-
Feijoo tamén cumpriu coa comarca de A Fonsagrada. En total, foron case 18 millóns de euros os que a Xunta aportou para os concellos de A Fonsagrada, Baleira e Negueira de Muñiz. Desa cifra, máis dun terzo foi destinado a conceptos de Medio Rural, mentres que a segunda partida máis cuantiosa foron axudas para a mellora da competitividade (2.400.000 euros).
O presidente da Xunta plasmou, asimesmo, o compromiso cos dependentes da comarca da montaña, segundo explicaron os populares, xa que cuadriplicou en 365 días a cifra de resolucións de dependencia do bipartito en dous anos. Así, co PP na Xunta aprobáronse 138 resolucións, fronte ás 42 que concederan PSOE e BNG.
DESGLOSE LUGO CAPITAL
Instituto Galego de Vivenda e Solo: rehabilitación en distintos concellos da área rural e axudas varias da Consellería de vivenda 2.282.000
A maiores, outros 3.275.000 (2.983.000 en Garabolos) en Vivendas de Protección Oficial
14.380.000 en obras de solo industrial no polígono das Gándaras
2.708.000 na rehabilitación do casco histórico
Estradas 1.737.000 (Outeiro de Rei, Friol, Portomarín.. partidas en distintos concellos)
Lei de Dependencia: 836 concesións Lei Dependencia nun ano (valoracións que xa a cobrar). En total 1434 personas que cobran actualmente, fronte aos 598 que había en dous anos do bipartito
Augas de Galicia 14.409.000 euros á comarca de Lugo
Protección e promoción Patrimonio Histórico Galego 1.700.000 euros
Novo hospital de Lugo: 34.000.000 no novo hospital, parte xa executados, outros en licitación (gas, p. ex). [21.000.000 licitados en decembro, algunhas (quirófanos) xa en Mesa de Contratación.]
Outros conceptos
Educación: en libros de texto 332.800, entre o 64,1% dos alumnos que a concederon en Lugo ata 94.9 % en Friol.
Industria: 4.118.000
Fondo de Cooperación Local: 8.824.000
Traballo: 1.100.000 en distintas axudas (RISGA, p. ex)
Medio Rural: axudas directas e FOGA 32.323.000
Expropiacións: 3.977.434,43
Programas de Cooperación Fomento do Emprego 1.284.729,28
Programas de Cooperación Entidades sen ánimo de lucro: 4.032.702,19
Obradoiros de Emprego: 1.263.342,60
Outros: 3.000.000
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
