O pasado domingo, día 4 de abril, chegou á basílica de San Martiño un grupo de camiñantes que de xeito alegórico encetaban a que se divulga como posible desviación hacia a vella catedral do traxecto trazado oficialmente como percorrido na nosa bisbarra no Camino Norte que leva a Compostela: os andaríns, desta vez, procedían de Mondoñedo. Chegados a Ribadeo os peregrinos teñen duas opcións: seguir polo interior cara a Mondoñedo, o trazado recoñecido oficialmente, ou ben tomar a ruta pola beiramar para, dende a Espiñeira, chegar ás portas do histórico cenobio focego. Ninguén dubida do atractivo que para o viandante ten a posibilidade de marchar mesmo pegadiño ás fermosas praias do litoral mariñao, ó longo do que existen numerosos servicios hosteleiros e de todo tipo para atender os posibles imprevistos que podan xurdir no decorrer da súa andaina.
Por outra parte é evidente que informar ós camiñantes do doado que é plantarse, con unha mínima desviación marítima, na histórica e singular xoia do pre-románico galego, do que é exemprar único, equivale a enriquecer o propio Camiño, feito que sen dubida os visitantes, maioritariamente, serán quen de valorar, pois poderán disfrutar, acaso para a súa sorpresa, da contemplación daquelas vellas pedras das que Cunqueiro dixera que “paracen labradas por mans imposibles”, pois faise verdade a frase de Ruskin según a cal “nas catedrais os anxos poñían a súa man nunha voluta ou nun capitel para expresar dun modo admirable algún misterio. “Quizais aquí – engade o ilustre escritor – anxos cantores diron leccións ós que labraron iste templo”.
É sabido que San Martiño foi, en tempos, paso de peregrinos e que contaba con hospital para a atención dos mesmos: vellos documentos existen nos que, con nomes e apelidos, figura relación de camiñantes extranxeiros que aquí morreron e foron soterrados. Botando man destes, e doutros precedentes históricos, a asociación Abrindo Camiño, botou sobre o lombo o traballo de reivindicar e potenciar a actualización da primitiva catedral mindoniense como un dos fitos mais interesantes do Camiño Norte.
Suso Fernández
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
