LUGO .- O voceiro provincial socialista, Antonio Gato Soengas, anunciou este venres que a Deputación aprobará no mes de xuño as obras do Plan de Comunidades Veciñais de 2010, que conta cun investismento de 2,3 millóns de euros, aumentando un 4,5% con respecto á anualidade anterior. A contía de cada subvención non superará os 12.000 euros e non poderá exceder o 75% do importe da actividade subvencionable.
Na Xunta de Goberno de hoxe aprobáronse 16 contas xustificativas do Plan de Comunidades Veciñais de 2009. Suman un total 210.389 euros, dos que a Deputación achega 127.153. Pertencen ós Concellos de Abadín, Baralla, Becerreá, Foz, Lugo (4), Pantón, Samos, Sarria, Taboada, Monforte de Lemos, Monterroso (2), e Navia de Suarna. Antonio Gato Soengas subliñou que “en cada Xunta de Goberno estamos aprobando unha cantidade importante de obras que se inclúen nesta iniciativa coa que a Deputación subvenciona obras que os Concellos non poderían acometer sen a colaboración da Deputación”.
Neste senso, indicou que “a mala xestión do anterior goberno fixo que cando chegamos tivesemos que tramitar obras de Plans de anos anteriores, desbloqueando así o estado no que se atopaban algunhas e, sobre todo, porque entendíamos que era importante que os Concellos recibisen a cantidade que lles correspondia, xa que a maior parte están destinadas a abastecemento de augas, mellora de accesos a núcleos rurais, alumeado público… en definitiva, servizos básicos e útiles para os veciños e veciñas da provincia”.
A este respecto, Antonio Gato destacou a celeridade coa que está a actuar o equipo de goberno, de tal xeito que “estamos actuando nun tempo récord coas obras de 2009, xa que o Plan aprobouse no mes de outubro e podo adiantarlles que no mes de maio estará todo o Plan executado. Nestes momentos, das 295 subvencións están tramitadas ou en tramitación 137, é dicir, o 46%. “Isto é un exemplo da boa xestión deste equipo de goberno, o mesmo que desbloqueou grandes débedas históricas nesta provincia como a posta en marcha da UNED, a creación do Consorcio Provincial de Bombeiros, o pago da débeda do canon, etc”.
En 2008, ano no que o Plan foi xestionado polo actual equipo de goberno, concedéronse un total de 291 subvencións, destas están tramitadas na súa totalidade 272, 6 están en tramitación e 9 Comunidades manifestaron a súa renuncia por non poder executar a obra. É dicir, o 97% dos expedentes deste ano están totalmente abonados. Con respecto ó período 2005-2007 tan só quedan 7 obras por tramitar.
Outros acordos da Xunta de Goberno
Aprobouse a renuncia do procedemento para a subministración, instalación e adaptación ás necesidades do servizo de Vías e Obras dunha aplicación informática para a xestión de conservación de estradas con inventario gráfico e visual. O motivo da renuncia débese a que no prego inicial só se contemplaba a conservación, pero observouse que era necesario engadir outras actuacións que afectan ó mantemento da rede viaria como son as canalizacións subterráneas, edificación e peche das parcelas contíguas ás vías, etc.
Asimesmo, deuse conta dunha sentanza do xulgado contencioso administrativo nº 1 de Ourense, na que se desestima o recurso interposto por unha empresa madereira contra a sanción imposta pola Deputación polo acopio de árbores e outros arrastres producidos na estrada provincial CP 1801 de Chantada por Nogueira ós Peares, no Concello de Chantada, carecendo de autorización. O importe da multa é de 600 euros e o suceso aconteceu en febreiro de 2007.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
