LUGO .- As probas finais dos campionatos provinciais do programa Xogade de deporte en idade escolar, nas disciplinas de mini basket, atletismo e fútbol sala terán lugar esta fin de semana nas localidades de Lugo, Láncara e Lourenzá.
Nota de Prensa
O PROGRAMA XOGADE CONCENTRA ESTA FIN DE SEMANA EN LUGO AOS FINALISTAS DE MINI BASKET, FÚTBOL SALA E ATLETISMO
* A Delegación Territorial, a través do Servizo de Deportes e coa colaboración das federacións respectivas, organiza as competicións en distintas instalacións da capital, Vilalba, Lourenzá e Láncara
Lugo, 7 de maio de 2010.- As probas finais dos campionatos provinciais do programa Xogade de deporte en idade escolar, promovido pola Secretaría Xeral para o Deporte, nas disciplinas de mini basket, atletismo e fútbol sala terán lugar esta fin de semana nas localidades de Lugo, Láncara e Lourenzá.
As competicións organizadas pola Delegación Territorial, a través do Servizo de Deportes, coa colaboración das delegacións das respectivas federacións e con varios dos concellos que acollerán as probas, comezarán mañá coa celebración dos enfrontamentos finais de mini basket, fútbol sala en Lourenzá e e atletismo combinado en Lugo.
As probas eliminatorias finais de mini basket na categorías alevín, feminina e masculina, disputaranse no pavillón provincial de Lugo a partir das 10.30 horas da mañá. Pola tarde, a partir das 16.30 comezará o partido polo terceiro e cuarto posto e ás 18.00 celebrarase a final.
Na categoría feminina participan os equipos Cidade de Lugo, Estudiantes, María Auxiliadora e CB Burela. Na masculina chegaron á fase final Cidade de Lugo, Maristas, Estudiantes 98 e CB Burela.
No estadio Gregorio Pérez Rivera, entre as 16.30 e as 19.15 horas, terá lugar o campionato provincial de atletismo combinado, nas categorías alevín, infantil e benxamín. O pavillón municipal de Lourenzá acollerá tamén finais do campionato de fútbol sala, categorías benxamín e alevín.
Domingo
O domingo, 9 de maio, celebraranse na Pobra de San Xiao (Láncara) as finais do campionato provincial infantil masculino de fútbol sala, ao que chegaron os equipos de Cospeito, Vilalba, Láncara e A Fonsagrada.
Os partidos darán comezo ás 11.30 horas, co enfrontamento entre Cospeito e Vilalba. Ás 12.30 disputarase o encontro entre Láncara e Fonsagrada. Xa pola tarde, ás 17.00 horas dará comezo o partido de loita polo terceiro e cuarto posto, e ás 18.00 horas xogarase a final.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
